你患有戀愛上既神經敏感症嗎？

不得不提有啲女朋友/男朋友真係太敏感，佢地平時絕對唔比異性接近另一半，無論係同事、同學、朋友、定係問卷調查員都好(係，你冇睇錯)，喺佢地眼中都覺得呢啲人對另一半既生命有極大威脅。所以一旦呢啲人同另弓半有任何接觸，佢地會毫不留情地阻止，而佢地既阻止方法有以下幾點：

扮另一半

佢攞佢另一半個電話同你講：「你唔好再煩住我」，呢個時候佢唔會問起你同佢伴侶既關係，因為佢已經假設左你同佢伴侶有一腿。
Block 你

佢地繼續唔會問你同佢伴侶有咩關係🙊，儘管你只係佢伴侶既保險agent，佢都會代替另一半block你wtsapp 同wechat。

瘋狂問另一半

佢地對於小小野都非常緊張，例如見到一條長頭髮就會不停追問，不過通常答黎都冇用，因為佢地根本唔會信。


其實呢類男/女朋友點解咁緊張呢？不外乎三個原因。一同二係因為自己對唔夠信心、安全感不足就搞到佢伴侶冇曬朋友。但倘若係又呷醋唔係又呷醋，就好似束繩帶咁箍緊對方，令對方抖唔到氣。

另外仲有一種大家都忽略左既就係妄想症，佢地對於事或者人都係完美主義，希望每樣野合符自己既心意。所以佢地乜都要管要理，仲煩過你呀爸同呀媽，同左佢地一齊就注定已經同自由講再見。佢地恐怖既地方在於自我感覺強大，可能源於佢地對愛情唔信任，查電話、追問問題係家常便飯。

不過當佢地乜野都搵唔到，完全冇任何犯罪證據嗰陣，先係恐夢既來臨。因為佢會話解釋姐係掩飾，乜野曖昧對話都搵唔到一定係你delete曬，或者事先知道佢地會睇所以即刻隱藏左。但過於敏感既思想對於一段關係黎講係好唔健康，最後每一個都忍唔到呢種病態心理，吃虧既都係佢地自己而已。

_________________________________________________________________

如果中意我既文可以去我Instagram ：lovestoryhk

_________________________________________________________________