究竟點解會表白失敗？

追到男神或者女神係好多人心目中既夢想，可能不惜用一切辦法希望引到佢注意，例如wtsapp佢、製造見面機會等等，但原來好多時失敗既源頭終歸係自己。


過分著重得失

個個人見到心儀對象都會驚會緊張，咁係正常不過既事，但係過分擔心成與敗反而會令到自己唔知要做咩 、亂咁黎。原本你可能係一個陽光充沛既人、有嗰句講嗰句，對方亦可能係欣賞你呢份性格。可惜你同佢交流既時候好多野都好驚，唔敢做返真正既自己，最後親手斷送幸福。

冇理會對方感受

我知道你好愛佢，但係你為左表達自己既愛意同關心就不斷wtsapp佢、或打電話比佢，實際上你知唔知對方做緊乜野？知唔知佢得閒定忙緊？佢對你既態度係熱情定冷淡？呢啲事都要用心留意！

不斷亂諗野

對方個眉頭一皺你就即刻緊張大師上身，腦裡面不斷諗：死啦，係咪我頭先做錯左乜野... (自己開始投入自己既小世界)。雖然有錯漏去努力改正係好事，但要知道人人都會犯錯。可能你個個錯誤只係好小好小事，不過你為左諗返究竟係邊度出左問題，就會令到你冇心處理之後既事，反而導致愈來愈多問題產生，所以你要比信心自己、做得更好呀！
最後 人地唔一定要接受你，如果結果真係唔係自己諗既咁亦千祈唔好怪罪自己或對方，不如企起身再尋芳草仲好
_________________________________________________________________

如果中意我既文可以去我Instagram ：lovestoryhk

_________________________________________________________________