如何面對另一半的異性閨蜜？
相信唔少人都有呢個問題，就係男朋友/女朋友有異性既知己。姐係見到佢地兩個平時有傾有講、又玩得埋，心裡面始終唔好受咁，但係妒忌既話又會顯得自己小器同多疑，究竟應該點樣面對呢個情況呢?
如果你係當事人既話，其實你有幾步可以做：
唔好要求伴侶二揀一
魚與熊掌真係好難選擇，一個係識左好耐既好朋友，一個係自己最深愛既情人，明明佢地冇野而你又冇啦啦叫佢揀，只會令到佢覺得你唔講道理，分分鐘會同閨蜜呻你啲缺點，到時就真係拱手相讓比人地喇！事實上你一定要改變自己心態先，唔好主觀地認為佢地會有越軌既行為，純友情係呢個世界上絕對唔少，所以同另一半講定佢地之間既界限，好過要佢二揀一咁野蠻。
嘗試認識佢既異性閨蜜
你可能會鬧：「我已經唔妥佢成日痴住我另一半，我仲要主動識佢？」，不過所謂知己知彼、百戰百勝，你避開人地只會令到你更加摸唔透佢地既行為，可能佢地真係冇野，但你就誤會曬，最終令到自己出洋相。所以盡量同另一半既閨蜜做朋友，當你深入認識佢之後或者會發現佢對個個都係咁好，而且你仲可以係佢口中知道你伴侶既睇法，聯手之下大大幫助你同男朋友/女朋友既感情。
如果你係當事人既另一半既話，你只有一樣野可以做：
你設身處地咁諗，假若你見到另一半同異性咁好感情，你都會覺得唔舒服吧！所以你要知道大家既界限係邊，就算真係好好好好好既朋友都盡量要保持身體距離，因為你既身份已經變左架喇！以前單身就話可以攬頸、繞手，依家要考慮另一半既感受，兩邊既先後次序要搞清楚。
男女朋友最好排先過閨蜜，男女朋友點都會呷醋(係好正常)，而閨蜜明白你已經有最愛既人，唔會介意你陪另一半。如果你覺得好朋友始終係最大，咁可能你真係唔適合拍拖，或者你根本已經愛上你既好閨蜜！
_________________________________________________________________
如果中意我既文可以去我Instagram ：lovestoryhk
_________________________________________________________________
如果你係當事人既話，其實你有幾步可以做：
唔好要求伴侶二揀一
魚與熊掌真係好難選擇，一個係識左好耐既好朋友，一個係自己最深愛既情人，明明佢地冇野而你又冇啦啦叫佢揀，只會令到佢覺得你唔講道理，分分鐘會同閨蜜呻你啲缺點，到時就真係拱手相讓比人地喇！事實上你一定要改變自己心態先，唔好主觀地認為佢地會有越軌既行為，純友情係呢個世界上絕對唔少，所以同另一半講定佢地之間既界限，好過要佢二揀一咁野蠻。
嘗試認識佢既異性閨蜜
你可能會鬧：「我已經唔妥佢成日痴住我另一半，我仲要主動識佢？」，不過所謂知己知彼、百戰百勝，你避開人地只會令到你更加摸唔透佢地既行為，可能佢地真係冇野，但你就誤會曬，最終令到自己出洋相。所以盡量同另一半既閨蜜做朋友，當你深入認識佢之後或者會發現佢對個個都係咁好，而且你仲可以係佢口中知道你伴侶既睇法，聯手之下大大幫助你同男朋友/女朋友既感情。
如果你係當事人既另一半既話，你只有一樣野可以做：
你設身處地咁諗，假若你見到另一半同異性咁好感情，你都會覺得唔舒服吧！所以你要知道大家既界限係邊，就算真係好好好好好既朋友都盡量要保持身體距離，因為你既身份已經變左架喇！以前單身就話可以攬頸、繞手，依家要考慮另一半既感受，兩邊既先後次序要搞清楚。
男女朋友最好排先過閨蜜，男女朋友點都會呷醋(係好正常)，而閨蜜明白你已經有最愛既人，唔會介意你陪另一半。如果你覺得好朋友始終係最大，咁可能你真係唔適合拍拖，或者你根本已經愛上你既好閨蜜！
_________________________________________________________________
如果中意我既文可以去我Instagram ：lovestoryhk
_________________________________________________________________