愛情信箱20：女仔係咪唔應該追人，要有矜持？

問題：

最近對一個男仔有意思(佢大我十年)，互相有contact，我好想搵佢但啲女仔朋友同我講話女仔要有矜持，唔好對男仔咁主動，如果唔係就係倒貼，就算第時一齊左男方都唔會珍惜；而且如果個男仔鍾意自己就點都會主動，何況佢咁大個點會唔識追女仔，所以女仔點都唔應該做主動。我到底係咪應該忍住唔好搵佢？

_______________________________________________________________________________________

回覆：
唔係呀，如果你同佢係朋友一直有傾開偈，梗係繼續傾落去啦！冇啦啦唔傾既話佢對你失去興趣，到時先至冇機呀。同埋好多香港男仔都係唔識好主動咁撩女仔，所以中意佢就要主動啲，搵啲佢中意既話題傾。

係，可能你主動到最後都會被拒絕，但如果你唔主動就會白白放走左個機會呀。當你唔盡力去爭取你既幸福，最後失敗都怪唔到邊個，只可以怪自己當初太多顧慮。