五句鬧交唔可以講既說話

係呀又係講鬧交呢個話題，大家都知香港土地問題嚴重，個個為民主為樓為份工搏鬥，周圍都好大怨氣，忟係在所難免。但係將怨氣轉移到語言上，往往都會發生彌補唔到既後果。


我地分手啦

當兩個人啱啱先開始拍拖感情基礎仲係唔穩，好容易就會講出呢句說話威脅對方。或者一開始個陣仲有用係因為對方怕你真係會分手，但係相信大家有聽過狼來了呢個故事，成日將分手掛係口邊，到最後只會令對方覺得你唔重視感情，一句「好呀」就真係完了。

你真係好唔掂

人要面、樹要皮，侮辱對方絕對係最差既做法。佢有問題你可以大方指出，唔需要講說話黎攻擊對方。如此一來佢只會覺得你對人唔對事，連溝通和好既機會都白白浪費。

我前度先唔會咁/xx(男仔朋友)對我好過你

兩個人鬧交已經好忟好激氣，呢個時候仲要拉埋第三者入黎比較，怒火加上醋意會令對方失去理智，可能直接叫你咁嫌棄就揀第二個。事實上你揀得呢個對象就一定有吸引你既地方，何必要做咁多比較呢？對方唔開心你心裡面會好過嗎？
其實我仲有好多更好既選擇，不過我盲左先揀左你

或者你講出口既時候唔係真係咁既意思，都係講出口激下對方、發洩一下。但係呢句說話威力非常大，即使你地鬧完交，呢句話仍然會對佢心靈造成傷害，佢心裡面開始想搵一個真正珍惜佢既人。

鬧交翻舊帳

冇人中意比人翻返以前既野黎講，如果鬧交既時候一次過講埋其他唔關事既舊帳，反而會令到大家火上加油，愈鬧愈對另一半不滿。
_________________________________________________________________

如果中意我既文可以去我Instagram ：lovestoryhk

_________________________________________________________________