愛情信箱22：一次鬼迷心竅咁錫左，之後佢就好少搵我

問題：

我要點做好😭😭
我之前收到個fb friend request，我以為識就add左，後來我係佢一個post到留完言先知原來我唔識佢，咁我就del左個cm。點知佢inbox message我，於是我地就開始傾計。我仲讀緊書，佢上年已經grad左u，佢都大我成6年。但係我又覺得幾啱傾，而且傾嘅野好新鮮，好特別。

過左一個半月，佢約我去食甜品，食完都凌晨1點幾，我原以為差唔多番屋企，但佢同我去左海邊，傾傾下就錫左。我未拍過拖，但係個一秒就鬼迷心竅咁錫左上去。過左個晚我同佢都會每隔一兩個星期就約出黎。有一次我問佢你係當我係咩，係sp，定鐘意我。我地糾纏左一陣，我見佢無直接了當嘅答案，我就無迫佢，我同佢講咁我當你係男朋友架啦，佢都無否認。
然後我地都會wts, 佢會叫我乖，叫我bb...但佢愈來愈冷漠，我唔知係佢忙定我多心，但係我覺得佢唔再着緊我。其實我知我又唔係話真係佢邊個，好大機會只係十個俾佢挽呃蝦條嘅妹妹，咁佢無新鮮感唔揾我都好正常，而我都應該無資格成日煩住佢，但係我真係覺得好辛苦。。。然後我決定試下bluetick佢，我想知佢會唔會主動揾我，已經兩日啦，佢都無。。。我應該點做，我應該挽救定放棄。。。我係咪未戀先失。。。原來鐘意一個人好辛苦
_______________________________________________________________________________________

回覆：

冇架喇，我覺得佢真係唔似當你係女朋友，應該只係想搞你，所以一直唔肯答你呢啲問題。不過你唔好自己估估下先，直接喺whatsapp度問佢做咩唔見左咁耐啦，如果你接受唔到將來都係呢個關係，就要攤出黎講清楚。