拍拖後變左另一個人？

唔少女仔可能都經歷過呢個情況：「我地一齊之前佢好體貼架，依家成個人變左」，但係男方多數都唔會發現自己既變化。事實上天生男同女需要既野都唔一樣，睇下以下例子就會一清二楚。

唔再去旅行或者出去食飯慶祝

女方覺得男方唔再為自己投入時間同金錢，但係男方就會認為嘥錢、嘥時間，少左以前既心思同浪漫。

唔留意自己既打扮
女方會擔心佢對自己的既關心愈來愈少，男方就認為少少野根本唔需要深究。

紀念日或者生日冇收到禮物

女方抱怨佢吝嗇對自己既投資，但係男方覺得拍左拖呢啲野可有可無。


其實大多數女仔都想大家一齊左之後另一半會比以前放更多心思同時間，希望佢信守承諾 一心一意照顧自己。但相反大多數男人認為目標已經得到手，冇必要再為已達到既目標投放資源，跟住落黎應該花心機考慮地位、收入、技能，要向另一個目標(工作/學習)投資，所以變相用少左時間陪女朋友。
喺全球性既數據中可以都得知，原來女性的確係比男性想多啲時間相處，而男性反而多埋怨對方霸曬自己啲時間。如果想大家既關係變好，女方肯比空間男朋友之餘，男方都唔可以抱住得手後就唔需要再關心對方既諗法，否則呢段關係就會難以維持。
_________________________________________________________________

如果中意我既文可以去我Instagram ：lovestoryhk

_________________________________________________________________