愛情信箱32：男朋友完全冇理過我，點算？

問題：

你好，我想問問、聽下意見。我係女仔，我覺得佢愈來愈冷淡，之前佢會主動打俾我、wts叫我sd相俾佢因為掛住我，講Goodnight等.......依加一樣都冇，每次都冇聽到我既電話，亦唔會主動打番俾我。佢有同我講佢要練波比賽好忙，我會明白。 但有次我問佢可唔可以一齊放學，佢wts講呢排吾得，我問點解，佢答練波、比賽、讀書，冇用任何表情符號。中秋節甘啱佢起屋企冇野做，所以我話去揾佢，可惜佢吾想見我。重有ig del曬我同佢ge合照，我驚再甘落去佢會同我講冇曬feel，之後就講分手。
不過希望你可以俾d意見🙈Thank you❤
____________________________________________________________________________________

回覆：

唔使問喇，其實佢唔係冇feel，佢係直頭唔愛。但因為唔想做衰人，所以一直用拖字訣，諗住佢對你咁冷淡又唔搵你嗰啲就會慢慢分開。一個人就算幾忙都唔會捨得完全唔理愛既人，因為你會掛住佢，就好似你對佢咁。忙唔係藉口，點都可以擠到時間出黎陪一陪你/傾下wtsapp。況且佢唔係佢講到咁忙，明明中秋節係得閒點解又唔出黎呢？睇波？咁晏晝去左邊？

最後勸一句，你同佢講清楚唔中意就唔好再浪費大家時間，早啲搵另一個珍惜你既人仲好。