愛情信箱38：成日對我忽冷忽熱，究竟佢係咪中意我架？

問題：

我現在識左個男生，他呢會有時主動搵我，出過一次街，一齊番過(學/工)。有一次再約他，他應承了星期四，但突然又唔得閒，之後星期五突然問我得唔得閒，但我又唔得閒喎。再過幾日我問他星期四得閒嗎，他話要送朋友機，我咪話咁幾時補番呀，他答我實有機會嘅。其實即係點，他係真係唔得閒定搵借口唔同我去街？

之前他講過中意短頭髮的女仔，呢排係咁成日叫我剪短頭髮。但呢排他比以前覆慢左我message好多，上左線都唔覆我，又係咁話自己係浪子不泊岸，又話後悔同前女友分手，但有時候又會主動搵我傾計喎。究竟想點呀他？
講漏左，他知我對他有好感的。同埋呢，他知有個男仔A叫做追緊我，他知我之前對一個男仔B有過好感，就成日提他2個，點解他要咁做？sorry，好多野問。
____________________________________________________________________________________

回覆：

我覺得佢係對你有少少好感，因為既然佢唔得之後都仲有再問你星期五得唔得，證明佢係想再出啦。如果唔係佢本身就知你星期五唔得，所以特登約呢日？另外佢叫你剪短頭髮，姐係佢想你更加貼近佢中意既類型。但題外話啦，唔使聽佢講剪頭髮既，你中意留長咪留長囉，個人意願黎。咁至於佢點解對你忽冷忽熱淡，但係又叫提起你有好感既男仔呢？因為一黎佢仲想同前度一齊返；但同時又想試下同你發展，呷你嗰啲男仔醋。