愛情信箱41：男朋友偷偷同女仔wechat，發現對方sd咸濕相比佢

問題：

我同我男朋友一齊左一年半左右，中間發現過佢有出軌。係番大陸玩個時，佢識左個女仔，佢呃人地話自己冇女朋友，之後一直都有係wechat同人地曖昧。後尾俾我發現左 ，我再三要求佢唔好搵個女仔，一開頭佢話：「點解唔可以傾？我又冇做D咩」 但我想講佢地既對話比起我地，更加似係情侶。

最後我都係選擇左去原諒，想俾次機會佢。

到左今日，我覺得佢古古怪怪咁，平時放假都係狂打機，今日竟然冇，仲叫我用電腦睇戲，之後自己走左去廳到玩電話，我已經覺得好奇怪。
咁我想行出去廳個時，佢就走入黎房，我就問佢同邊個wts呀？佢話咩呀，睇fb咋，坐係廳就係同人wts咩？咁我就叫佢俾個電話我睇，佢即刻發曬脾氣。

可以話女仔既直覺真係好準，頭先我訓唔著，心血來潮睇佢電話。入左wechat睇到一個女仔sd野俾佢，有兩張相 ，第一張係個女仔隻腳，第二張係個女仔著住底褲。之後個女仔話我地唔好做情人，超友誼算啦。我當場呆左亦好崩潰😔我應該同佢講定係點？ 我唔知可是點做😔
____________________________________________________________________________________

回覆：

我其實唔使答啲咩，分手啦，佢未玩夠。既然佢依家已經堅持要咁做，亦冇悔意，第日真係九成九會叫雞。