愛情信箱44：男朋友返工多鬧交、少見面係咪正常？

問題：

你好呀 有啲感情問題想問下你
我同男友一齊半年 一直都好地地 我地20頭 我仲讀緊書 佢返工。直至近排就成日嘈交 唔係嘈得好勁個隻 都係話冇乜點理我個啲。佢份工要輪班 我地個半星期先見一次 平時都係whatsapp多 電話就間唔中先有 近排佢whatsapp冷淡左好多 成日已讀不回 但係見面就好熱情。
直至最近同佢傾 佢話想專注事業 仲話黎緊一年會仲煩!! 突然轉變得太快 佢話覺得去到平淡期 話對我好有安全感所以先少左搵我🤔 佢有講過遲啲見家長 想一直長遠落去。我想問下平淡期點樣維持落去? 佢返工好攰 又放得好晏 唔係成日傾到電話 whatsapp係主要溝通方法 但呢家好似都少左 正常嗎?
____________________________________________________________________________________

回覆：

但我覺得你地好正常，半個禮拜一次喎！其實算密架喇！加上佢真係返工唔得閒，佢都唔想，既然見面熱情就冇乜野。例如我有時放左工都唔想撳電話架，因為個人想放鬆下，睇下風景好過困喺電話世界裡面。另外，佢都有同你解釋點解會咁，又對你地關係係有信心，仲想帶你見家長 (呢點真係好好)，好明顯佢係好男仔黎。

我覺得你要體諒佢，你讀緊書可能唔明白，返工係真心撳唔到電話，小編我呢日都未同男朋友whatsapp啦，所以真係冇問題。如果你真係想大家sweet啲，不如試下整飯盒比佢？或者去接去收工啦，咁佢一定好開心。