究竟點先可以追返前度？

有唔少人問我究竟點先可以追返前度，歌仔都有唱「逝去感情如何留得住」，所以要翻撻真係唔係咁易架葉師傅。更加唔好覺得今日我講一句，你聽日就一定追得返前度，而以下幾點你要加以留意：

要諗清楚chur唔chur佢

原來分左手唔係狂chur就得，可能佢就係覺得你好煩/唔適合佢，如果你係咁求情、又迫佢同你一齊，佢只會對你更加反感！可能有人話唔chur佢咪會走？但你諗下，如果喺你完全冇興趣買plan既情況下，美容院係咁sell你，你都驚啦。所以你打完你想打既野就唔搵佢一排先，呢個時候你就要開始做第2點！
但如果佢講分手好明顯係一時之氣？你應該比我更清楚另一半既脾性，如果係咁你當然要快啲氹佢啦。



要upgrade自己

冇錯，佢以前係中意你，但依家佢對你興趣已經減低，想佢重新愛上你比起一開始更困難，所以你要徹底改變舊既壞習慣。例如佢唔中意你打機，你就真係唔好再po啲打機既野，多啲同朋友出去玩；例如佢唔中意你露波比人睇，你就del曬啲相著返樸素既衫。但係你改變左唔使話比佢知，因為佢自自然然會留意，過幾個月你再若無其事咁搵返佢，佢就會感受到你既吸引力。


有第三者/block左你好難搞

如果你犯左出軌、偷食..恕我幫你唔到喇！！因為你已經傷左人地個心，唔通你以為摑左人一巴，請返人食波板糖就當冇左件事咩？另外如果佢block曬你，你搵唔到佢，佢又睇唔到你近況，咁你點樣追返佢呢？係咪？
記住我講一句：分左手要keep住同異性溝通，最好叫佢地誠實話你知你問題喺邊，咁先會徹底咁改到，喺講野上面亦唔會生疏。
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________