愛情信箱51：有個男仔死纏難打咁追我，拒絕多次後萌生好感
問題：
你好 想問下有關愛情問題。學校有個男仔由中四追到而加中六 一開始我知佢鐘意我係因為我朋友講笑將我哋湊對 。點知個男仔真心左 一翻屋企就問我朋友 我係咪鐘意佢 個時我朋友立即道歉話講笑。 點知個男仔好down話做咩拎呢d講笑 然後叫我fd問我 我個下立即拒絕 話絕對無可能 因為我一開始係覺得呢個人有d奇怪 所以好否定 。第二日翻學佢坐我後面望都唔敢望我 我就扮無事 同佢講我想你好似之前咁 上堂偶爾都講下笑 唔好咁尷尬。
之後就好似無乜野啦 個男仔好主動成日無啦啦讚我 又想借我支水飲 whatsapp我 我全部一一拒絕 又hea 覆。 陸運會佢揾我影相 放係我膊頭 我一手飛開佢 然後所有人望住 佢勁尷尬。翻到屋企 我同左佢道歉 佢就扮唔記得 話無事。後來我生日佢四圍打聽我鐘意乜 就送俾我 我ig po乜佢都第一個like 聽其他男仔講佢fb and ig都係我最多搜尋。因為佢之前坐我附近我地有時都會講一兩句就停 佢又無數次想借機會約我同問我朋友點解我拒絕 我每次都拒絕。
之後我地唔知點解fd左少少 但話題都係好少 佢會同我講秘密但我唔會 但都會傾計係whatsapp。佢有次鼓起勇氣就問我可唔可以一齊 我都拒絕左 同佢講我唔想拍拖 同你只係朋友 叫佢揾個第個 我同佢無乜可能一齊
。佢都好堅持 話會繼續 個下我係有d驚訝。
最近補習咁啱一齊報撞到面 佢放學個時求我陪我翻屋企 我拒絕左 我就話送到地鐵啦。車上面佢一直玩手機 又好少望我 又無乜話題 之後我就落車。第日翻學佢有d唔開心 我望到都有d唔開心 因為唔想傷到佢 之後放學佢又主動巴士同我坐 佢又一直玩手機 我有d無奈 但feel到佢偷望左我幾眼。
個時其實我心跳有d加速 翻學上堂有時同佢不自覺對望又扮無野 我覺得自己對佢有d好感 亦會想像我地一齊 。但因為我d朋友覺得佢一般般 我自己本來都覺佢一般。我病又好似唔夠關心我 上車玩手機 同性格一般。我都有d拒絕 但又好似有d鐘意左佢 搞到我都分唔清 有d煩惱。
唔知自己係點諗 多謝你花時間睇曬佢。加上我未拍過拖真係唔想好快散 希望拍個個就真係到結婚 佢都有問過我佢差d乜 但我又唔敢答。因為全級都知既關係 我亦諗過佢想畢業前同到我一齊 冇咁樣衰 但又覺得唔一定 因為我都無意地落佢面幾次 唔小心😵
____________________________________________________________________________________
回覆：
其實你知唔知點解你病又好似唔夠關心你，上車又玩手機呢？因為你係咁拒絕人地嘛，又hea覆，咁人地點解仲要受你氣？不如乾脆唔搵你、唔講野啦。同埋可能佢自己都唔係好識拍拖，唔係好識對女仔好吧。唔係人人天生就識關心同取悅其他人，你唔比機會佢一齊返屋企，又多次公開咁落佢面，佢點關心你？同埋正常男仔遇到呢啲情況都會hurt到一個點，但佢仲唔放棄，其實佢對你都幾好呀。
不過你又好犯賤，玩殘完人地先知道佢唔差，我都唔知你諗乜野呀。如果你中意人咪講囉，我知你唔想咁快散，但未試過點知結果？有可能你第日識到個好溫柔既高富帥男仔，你覺得佢對你真係好好，點知原來一切只係假象，佢背住你多次出軌都未定，另一方面佢咁識氹女仔亦可以係訓練返黎架。
其實講咁多只可以話中意就去馬啦，你過馬路都有可能比車撞死，唔通你一世唔過馬路？冇人預計到佢係咪就係你既Mr.Right架。當初我未同男朋友一齊都覺得我地冇可能，因為佢真係好智障、唔正經。不過一齊到依家都三年喇，日日都想見到佢，希望你唔好因為怕失敗而錯過左「對的人」啦。
你好 想問下有關愛情問題。學校有個男仔由中四追到而加中六 一開始我知佢鐘意我係因為我朋友講笑將我哋湊對 。點知個男仔真心左 一翻屋企就問我朋友 我係咪鐘意佢 個時我朋友立即道歉話講笑。 點知個男仔好down話做咩拎呢d講笑 然後叫我fd問我 我個下立即拒絕 話絕對無可能 因為我一開始係覺得呢個人有d奇怪 所以好否定 。第二日翻學佢坐我後面望都唔敢望我 我就扮無事 同佢講我想你好似之前咁 上堂偶爾都講下笑 唔好咁尷尬。
之後就好似無乜野啦 個男仔好主動成日無啦啦讚我 又想借我支水飲 whatsapp我 我全部一一拒絕 又hea 覆。 陸運會佢揾我影相 放係我膊頭 我一手飛開佢 然後所有人望住 佢勁尷尬。翻到屋企 我同左佢道歉 佢就扮唔記得 話無事。後來我生日佢四圍打聽我鐘意乜 就送俾我 我ig po乜佢都第一個like 聽其他男仔講佢fb and ig都係我最多搜尋。因為佢之前坐我附近我地有時都會講一兩句就停 佢又無數次想借機會約我同問我朋友點解我拒絕 我每次都拒絕。
之後我地唔知點解fd左少少 但話題都係好少 佢會同我講秘密但我唔會 但都會傾計係whatsapp。佢有次鼓起勇氣就問我可唔可以一齊 我都拒絕左 同佢講我唔想拍拖 同你只係朋友 叫佢揾個第個 我同佢無乜可能一齊
。佢都好堅持 話會繼續 個下我係有d驚訝。
最近補習咁啱一齊報撞到面 佢放學個時求我陪我翻屋企 我拒絕左 我就話送到地鐵啦。車上面佢一直玩手機 又好少望我 又無乜話題 之後我就落車。第日翻學佢有d唔開心 我望到都有d唔開心 因為唔想傷到佢 之後放學佢又主動巴士同我坐 佢又一直玩手機 我有d無奈 但feel到佢偷望左我幾眼。
個時其實我心跳有d加速 翻學上堂有時同佢不自覺對望又扮無野 我覺得自己對佢有d好感 亦會想像我地一齊 。但因為我d朋友覺得佢一般般 我自己本來都覺佢一般。我病又好似唔夠關心我 上車玩手機 同性格一般。我都有d拒絕 但又好似有d鐘意左佢 搞到我都分唔清 有d煩惱。
唔知自己係點諗 多謝你花時間睇曬佢。加上我未拍過拖真係唔想好快散 希望拍個個就真係到結婚 佢都有問過我佢差d乜 但我又唔敢答。因為全級都知既關係 我亦諗過佢想畢業前同到我一齊 冇咁樣衰 但又覺得唔一定 因為我都無意地落佢面幾次 唔小心😵
____________________________________________________________________________________
回覆：
其實你知唔知點解你病又好似唔夠關心你，上車又玩手機呢？因為你係咁拒絕人地嘛，又hea覆，咁人地點解仲要受你氣？不如乾脆唔搵你、唔講野啦。同埋可能佢自己都唔係好識拍拖，唔係好識對女仔好吧。唔係人人天生就識關心同取悅其他人，你唔比機會佢一齊返屋企，又多次公開咁落佢面，佢點關心你？同埋正常男仔遇到呢啲情況都會hurt到一個點，但佢仲唔放棄，其實佢對你都幾好呀。
不過你又好犯賤，玩殘完人地先知道佢唔差，我都唔知你諗乜野呀。如果你中意人咪講囉，我知你唔想咁快散，但未試過點知結果？有可能你第日識到個好溫柔既高富帥男仔，你覺得佢對你真係好好，點知原來一切只係假象，佢背住你多次出軌都未定，另一方面佢咁識氹女仔亦可以係訓練返黎架。
其實講咁多只可以話中意就去馬啦，你過馬路都有可能比車撞死，唔通你一世唔過馬路？冇人預計到佢係咪就係你既Mr.Right架。當初我未同男朋友一齊都覺得我地冇可能，因為佢真係好智障、唔正經。不過一齊到依家都三年喇，日日都想見到佢，希望你唔好因為怕失敗而錯過左「對的人」啦。
