愛情信箱52：男朋友死性不改落bar飲酒，點算？

問題：

hi👉🏻👈🏻系ig見到lovestoryhk話有愛情問題可以搵呢個facebook
希望真系會覆我啦 呢個問題都困擾左我成個月了

成件事系咁既 我同k拍左拖差吾多個半月 開頭三個星期一齊真系好開心既 同佢一齊之前我都知道佢系食煙會落酒吧飲酒既 佢同我一齊個震都話會改落少啲酒吧。 咁到第三個星期問題就黎了 佢瞞住我去左酒吧 而且第二日系約左我去海洋公園玩既。 咁到第二日佢自然系醒吾到去吾到 個次我同有另一對frd情侶一齊去既 咁我吾好意思咁同佢地講sorry 完左呢件事之後k都同我講番對吾住既。
但問題就開始了 我開始變得好怕佢再去飲酒 覺得佢一去飲酒又搞到番吾到工又番吾到學 所以佢每次去飲酒我都發晒脾氣 但到最後佢都系會照去。 到前幾日啦原本話我收工之後去佢屋企訓既 點知臨收工之前佢突然話佢契家姐吾開心（同我男朋友識左四年，佢家姐有男朋友），想我男朋友陪佢去飲酒，然後我男朋友就dum低我，叫我番左屋企先。 但第二日系約左我去長洲 我心諗吾開心吾系應該搵自己既男朋友架咩？點解要搵我男朋友？

之後就同我男朋友嘈 我嬲得濟講左分手 佢竟然話系咁啦，有咩聽日先再傾。到琴晚我走上去佢屋企同佢傾清楚 我問佢：你系咪真系對於我地分手呢件事冇反應？系咪真系想分手？佢諗左一震話，分開啦。我衝左出門口 佢追左出黎 我爆喊 佢系咁講對吾住。我吾知佢系咪因爲見到我爆喊所以驚 佢同我講對吾住，我地吾分開啦，我為左你改啦好冇？成件事就系咁 其實我同佢系咪已經吾再適合系埋一齊？____________________________________________________________________________________

回覆：

佢依家有冇真係改到？其實你同佢一齊之前明知佢係一個咁既人，有冇聽過「江山易改，本性難移」呢句？你地一齊唔係好長時間，佢又點會為左你改變呢？暫時黎講你喺佢心目中都未定到一個地位，更何況想佢為你改變本性。同埋佢又有咩契家姐嗰啲，一聽就知份人唔正經，你知唔知點解耍契？你睇馬國明同唐詩詠呢pair例子就知，契親冇好野。

不過點都係你比我熟過佢，你先知佢係咩人，如果佢係唔定性而你又想拍長拖就分手啦。