拍拖既人要記住喇，承諾過既野一定要做到

當承諾過就一定要做到，如果唔肯定既話就千祈唔好咁易許下諾言。有人可能因為有苦衷或者種種原因，但係要知道承諾左，對方就會有心理準備、有期待，一下子將人從天直接扯落山谷，好玩呀？可能對方會覺得好失望，甚至直接扣分。當每一次諾言都一個個被打破，佢仲會唔會願意同你過下半世呢？
約好左聽日一點係某地等，結果冇到；傾好左考完試/聖誕去邊度玩，結果冇去；講好左要一齊點點點，結果冇左件事。如果承諾係咁輕易，背信又係咁簡單，一紙婚書應該完全冇價值，又何必承諾會一生一世、生老病死都唔會離棄大家呢？

假若真係有事完成唔到承諾，都應該係關於健康同工作上，而唔係因為懶同唔記得呢啲藉口。許諾言雖然只係一句說話 ，不過亦希望每個人重視佢既威力，因為佢係代表緊你既誠信度！
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________