愛情信箱59：男朋友不斷同女仔whatsapp，問題係佢知個女仔中意佢

問題：

你好吖，我想問下情況我仲應唔應該原諒佢，同佢一齊？

我同我男朋友都係讀中六，佢一直都有話一個中五嘅女仔好可愛，我都冇乜點介意，但係最近我知道咗原來佢地wts咗一個月。係呢一個月之前，因為佢啲朋友一見到個女仔就會係道講啲嘢，呢樣先係我介意嘅。同時我都已經有多次同佢講過又或者嘈過，我唔鐘意呢個女仔，但係佢都係一直同佢wts，仲要係上個星期放學嗰陣見到個女仔同我男朋友啲朋友食嘢。雖然女仔有女仔枱食，男仔有男仔枱食，但之後因為順路就送個女仔去到屋苑門口。我仲聽個女仔啲朋友講個女仔鐘意我男朋友。
我男朋友係事後好後悔，但係我真係唔知再點信佢。佢又唔俾我睇佢電話，所以先俾佢呃咗成個月，我啲朋友都覺得個男仔唔抵幫，我真係唔知應唔應該再信佢。
____________________________________________________________________________________

回覆：

我覺得你男朋友點都要識避忌喎，人地係中意佢，佢又不斷whatspp人，人地會點諗呢？9成覺得你男朋友都對佢有意思吧！當然普通朋友咁樣係冇問題，話曬大家有信任架嘛。但你已經知道個女仔中意你男朋友，姐係呢段關係唔尋常啦。如果唔尋常，你男朋友應該要保持距離先啱，唔好比機會個女仔同男朋友獨處。