愛情信箱60：同男朋友因前度而分手，但分後仍然有錫同攬

問題：

我同我ex係因為佢仲好掛住佢ex而散（佢唔想拖住我累左我） 分左之後咁耐我頹足咁耐。但我因為唔捨得就叫佢聖誕陪埋我去迪士尼先 佢都應承左。然後我地琴日就去左 我地琴日相處得好似乜都冇發生過咁 就好似普通情侶咁又拖手又翹手又抱又攬又錫又咀咁好sweet（可能因為前一日我同佢講做多我一日男朋友） 除此之外佢有啲動作我feel到佢仲好care我。 但琴晚佢車我翻企 我落車時問佢我地依家係乜關係 佢即刻答我朋友 但之後我落車前我地仲錫左一㗳。。請問我好唔好繼續等佢 繼續堅持落去 我真係好鐘意佢。____________________________________________________________________________________

回覆：

我覺得問清楚佢先，或者佢真係中意你，不過佢好清楚自己真正中意、放唔低既人係佢前度。或者你一邊等佢，一邊同男仔朋友出街，睇下會唔會令佢妒忌，從而發現自己都係中意你。同埋就算佢掛住前度，佢前度都未必理佢架，到時你再睇下佢揀邊個。