點解男朋友同兄弟出去唔叫自己？

作為女朋友或者都有過呢個疑問，點解一班男仔去飲酒/食飯唔會叫自己？其實原因好簡單，一班男仔傾偈可以唔使就住就住，即使發癲或者9叫都可以。相反面對住女朋友始終都有形象喺度、唔想出醜，所以男人會單獨想同朋友聚會。

咁一班男人係傾啲咩架呢？不外乎以下幾樣：

傾下靚女

其實佢地都真係噏下架咋，講下見過既靚女都係趣味之一，極少機會係想出軌乜乜物物。但相反女朋友唔明就會呷醋，最後黑左面走人咪又係要男朋友氹。
傾打機/足球/籃球比賽

講真講你唔明，去到就坐喺度齋坐，當佢地講到好興奮嗰陣你又會搭唔到嗲、悶到抽筋，最後又再次黑面......走人囉。呢個時候男朋友可以唔追上黎氹你咩？冇可能啦，淨返啲兄弟一定好尷尬，對你印象大大扣分。

講返以前啲柒事

男人對住女朋友想有面，所以真係好少會講自己啲柒野，多數都只係想同兄弟分享、笑下，你喺度既話會尷尬到講唔到Lol。


如果你話，唔係喎，主動講你覺得好笑既八卦咪得囉？傻啦，諗下好喇！因為得女仔先會有興趣想聽，男人根本唔想知，到時個個迫住苦笑、扮開心，其實都唔好啦，係咪？乖乖地留喺屋企，佢主動帶你去見朋友先跟埋一齊啦。
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________