我同另一半既小小情趣

唔知你同你另一半係點相處架呢？我同男朋友好中意取笑對方 搞下爛gag，平時冇傾電話既習慣(係咪好驚訝)，相處模式未必同普通情侶一樣。但係點解我地一直都可以咁sweet？，秘訣係喺佢面前愈放開！愈唔知醜！


扮書裡面既角色

我同男朋友都係中意睇書既人，每次行過書局或者圖書館都會特登拎啲小學雞書出黎。見到裡面有咩角色就幫佢地配音，次次都會愈講愈激動，大聲到比人shu。佢話我最叻係扮亞古獸講野，扮完大家點下頭，然後就會拎電話出黎叫雞—麥樂雞。

亂幫對方改花名

佢成日都幫我改啲古靈精怪兼核突既名咩「茄子怪」、「姆明」，笑我塊面好似舊茄子咁想食左我，最衰係我個鼻好多黑頭粉刺改我做「士多啤梨」。而佢呢？自稱係古天樂、蕭正楠喎~~~~~~~~究竟咩新鮮蘿蔔皮可以夠膽咁講，係都唔輪到佢啦！發夢啦！
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________