女朋友食野前總要影相先？

唔知你地女朋友係咪咁架呢？我每次食飯之前都會影影影影，我一邊影相，男朋友喺隔離完全冇受我影響繼續食.......影完你以為佢會食曬啲餸？係既佢把口會係咁催我快啲食飯，但同時又淥曬啲餸擺喺我碗度 (男朋友成日話我好似中國一個民間故事：老公出差掛左塊餅喺老婆條頸度比佢食，點知老婆最後都係瓜左，因為佢只係食左嘴旁邊嗰啲，懶得擰轉個頭食其他)


Anyway其實我想講女朋友影相唔緊要，但要記住顧及男朋友感受：

set定腳架自己影

唔好要求男朋友幫你同啲餸影喇，一黎你覺得佢影得唔夠好；二黎影完佢已經餓死左，唔使食啦。

一開始上菜就要影左先

如果你喺佢食緊嗰陣先話影相就gg了，枱上面啲擺位已經唔同左，同埋食食下冇得食仲衰過未食....嗰種餓相信唔係人人頂得順。

影完好快啲叫佢食

影完又要P圖同up相上Facebook、Instagram，認真你仲要佢等姐係攞佢命，到時男朋友黑面搞到餐飯唔開心就無謂。
_________________________________________________________________
如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________