愛情信箱73：我懷疑中意左個les，應該點做？

問題：

Hello,
我由中學開始愛上左個女仔，佢比較文靜（都幾叻守秘密）。但係到後期先發覺佢到另一個女仔行得好埋，又嘴對嘴kiss又熊抱。而且，對方（有玩SP等既蒲妹）亦都親口承認左佢哋係一齊左。
但係當我向我鍾意個女仔求證時，佢又否認……
直到而家大學，我地關係都若即若離。我應該放手唔好浪費時間追一個 (疑似）les？定係唔好理咁多其他野，着眼建立兩個人既關係？
利申：我係男

____________________________________________________________________________________

回覆：

因為依家好多女仔都會kiss影相顯示佢地之間既友情，所以好難單憑另一個女仔咁講就話佢地拍緊拖。你一路以來應該做左唔少野去討佢歡心？我想叫你放棄既，但如果依家先放棄又好似好唔抵，因為有可能佢個fd講大話，所以唔想後悔就努力啲啦！約佢去街搏一鋪！