愛情信箱84：暗戀既男仔叫我唔好送野比佢，又成日已讀不回

問題：

你好呀，近來暗戀上一位男孩，佢2月先剛剛分手，5月我地就畢業，應該會吾同班，交流可能都會減少。

我經常坐佢坐位後面，有時會幫佢按摩膊頭，行為上有點曖昧，佢好少主動搵我，通常都係我主動或者有功課要做佢先主動問我功課，但e幾日有個女成日接近佢，佢近來都成日已讀不回我，係我太癡身嗎？我應該可以做d咩？（曾經送過一次禮物，但對方話自己吾會用所以無收；我也試過在佢病時送暖水，但被佢叫我吾好做d令人誤會架事）
好多謝你花時間睇我架問題🌷🌷🌷
P.s佢追女仔好叻，一時話單身幾好，一時話想追翻個女朋友疼愛下佢，佢係外表堅強內裡脆弱架人，有點孩子氣，愛認叻
P.s佢講過接近佢果個女仔幾好

真係好多謝你睇左我架千字文，心中太多疑問了，所以希望有人能給予一點意見，如你能回應我會好開心😆😆再一次多謝你
____________________________________________________________________________________

回覆：

我覺得佢對你未必有好感呀。首先，「幫佢按摩膊頭，行為上有點曖昧」應該係講緊你平時對佢好曖昧？就算你幫佢按膊頭，佢係咪冇咩表示，甚至叫你唔好再按？如果佢有咁回應表示你太主動喇！你地未係咩關係就咁樣會好易引人反感。第二，「曾經送過一次禮物，但對方話自己吾會用所以無收；我也試過在佢病時送暖水，但被佢叫我吾好做d令人誤會架事」呢句已經好明顯地話你知：佢對你冇感覺，你仲成日主動討好、wtsapp，反而會推佢去另一個女仔度。第三，問你功課就叻，平時會唔會搵你？姐係有事鍾無艷，無事夏迎春啦！你正正就係嗰個鍾無艷了。