同另一半去旅行要注意乜野？有客觀因素既意外出現點算？(上)

同另一半去旅行真係好驚會鬧交，好多人落得開心過後分手既下場。其實之前我都有寫過呢類題材，不過只係講左兩人因為生活習慣唔同產生既問題。所以如果旅行期間發生預計唔到既意外，搞到心情跌落谷底/非常燥底，你要點做先唔會影響感情呢？


1. 唔識路

依家導航真係好方便，唔使問人都去到，無論你係IOS定係Android機都一定有map。呢個時候你打目的地喺「搜尋」既方格度，再撳「搜尋路線」 裡面有揸車/搭地鐵/行路既制比你揀：揸車模式就方便你開導航教司機點行，因為有時連司機都未必知你個地點點去；地鐵模式可以睇到幾點有車，唔會Miss，亦可以靠佢睇轉邊條線；至於行路模式就完全啱我呢啲路痴，只要你跟住佢個箭嘴行條藍線就冇錯，我喺泰國實試係完全冇問題，好可靠。

2. 班機delay或遲到上機

呢個我試過！我又真係試過！雖然係好慘要重新買過張機票，不過呢個時候應該量入為出，減少旅費同生活費、唔買手信、轉去免費景點，咁樣用少啲錢就冇咁肉痛啦。咁喺機場等緊嗰段時間做咩好？拎早準備左既Board game出黎玩咪唔嘥時間囉。
3. 天氣問題

最常見既問題一定係落雨，特別泰國同台灣一落雨就好似黃色暴雨咁誇張，好易打亂原有行程，搞到大家極之掃興。所以你事先應該要搵定室內後備景點，萬一落雨都有特色野行，唔使返酒店嘛。同埋最好帶雨褸方便過拎遮，喺上車嗰陣免得一手拎遮、一手拎電話既狼狽情況啦。

4. 同自己期望/網站描述既唔同

如果要去一間鋪頭最好睇下佢有冇網站或者Fb，因為台灣部落格同香港Blogger有機會會寫錯資料，甚至店家改資料，而網站又未及時更新，到時奶野就Gg喇 (就好似我咁摸門釘)。假如景點同人地啲相/書講既唔一樣都唔好失望，你諗下總算喺呢一生人去過嗰度一次吖...
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/

_________________________________________________________________