愛情信箱95：朋友就黎移民，我應唔應該表白？

問題：

Hello咁夜打擾你唔好意思，我想問一個關係暗戀嘅問題。我暗戀左我個朋友已經2年幾，我明示暗示左好多次佢都當係朋友個隻鍾意，就連我地身邊嘅同學都睇得出佢就完全唔覺 (亦有可能係佢扮唔知)。下年因為我地讀嘅科唔同所以唔會再同班，佢後年亦因為要去外國讀書 (移民)唔會再番黎香港。我一直唔表白係因為驚同佢冇得再做朋友，我應唔應該係升班前正式同佢表一次白?我真係好驚佢唔會接受我同埋同我斷絕朋友關係，希望你可以解答我嘅問題。
____________________________________________________________________________________
回覆：

平時人地問我應唔應該表白我都會話唔好，因為如果佢真係對你有意思，就算你唔暗示佢都會想辦法同你一齊。依家佢咁既反應，似係唔想破壞你地間既感情多啲。不過佢就黎移民，你講出黎等自己了左心願都好，起碼佢就算拒絕都冇咁尷尬，相反佢應承就bonus左。