想知佢個心有冇你？ 不如睇下對方深愛你係有咩特徵(上)

//你是我最重要的決定
我願意 每天在你身邊甦醒就連吵架也很過癮 不會冷冰
因為真愛沒有輸贏 只有親密//

1. 見到你就會笑

佢同你一齊既話就算唔出聲都會靜靜咁望住你，完全唔會覺得尷尬。人群裡面有幾多異性都好，佢隻眼只係會留意你，因為你係佢唯一。同好多人食飯既時候會偷偷打暗號，喺枱底下面偷偷拉你既手.....有時冇啦啦甜笑，佢都講唔出點解，或者你喺佢身邊已經係件好幸福既事啦。

2. 知道你做左啲蠢事會覺得你好可愛

明明你跌左粒燒賣落件衫印到左一撻右一撻豉油跡，或者隻腳行路唔協調成日Kick親，呢啲外人睇落好蠢好鈍既事，喺佢眼中都係好～可～愛～既行為，恨不得將你抱入懷中係咁錫。

3. 捨得為你花錢花時間
就算嗰個男人好有錢又點？佢有10蚊，淨係會放5毫子比你，證明喺佢心目中有第二啲野更加重要，例如係車、例如係名牌、鞋、Party、演唱會等等。但如果佢有10蚊，會為左你地將來儲起7蚊，證明佢真係愛你愛到好深。你愛一個人無論幾忙都會抽時間打比佢，有時係Wtsapp有時係電話，總之你唔會唔知佢做緊咩。

4. 當你需要佢既時候永遠喺度

無論佢喺邊度做緊啲咩，一聽到你比人蝦/有困難就會出現，好似Superman咁用最快速度趕去你身邊，總之佢唔會令你覺得搵第二個好過搵佢。

5. 對其他異性好敏感

喺佢眼中其他異性都係想侵犯你，所以如果你對住人地仲開心過對住佢，花喺人地既時間仲多過花喺佢身上，佢好快就會受傷害同埋失落 。因為佢實在太愛你，接受唔到你個心容納第二個異性。

6. 對住你會變左大細路

可能佢原本係一個成熟又可靠既生意人，亦可能佢原本係充滿幹勁既女強人，當你發現佢對住你會突然變得好幼稚，咁佢一定係好信任好愛你先會卸下呢層毛皮。
7. 無論咩原因都阻止唔到佢愛你

屋企人老師長輩反對定係距離既阻隔，呢啲絕對唔會係你同佢分開既原因。你睇下黃蓉佢老竇黃藥師要拆散佢地兩個，黃蓉寧願死都要死埋一齊。 因為如果因為咁就放棄對方，連生存都毫冇價值啦。

8. 照顧你感受，唔會越軌

佢知道大家既關係得來不易，所以知道同異性相處既界線喺邊度，搞曖昧、出軌絕對唔係發生喺佢身上。

9. 會將你帶入佢圏子裡面

佢願意將你帶進佢既生活，有咩消息總會第一時間通知你。介紹佢屋企人、朋友、同事比你，完全唔介意喺大家面前表現出同你既親密。

10. 唔捨得你唔開心

兩個人鬧交之後只要見到你喊，唔理係邊個做錯都好都會消氣，因為唔好令你傷心先係真正重要既事。

其實好多野做左出黎自己都唔知，佢係咪深愛你你係感覺到架，希望今次唔會太長篇搞到好悶啦。_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/


_________________________________________________________________