愛情信箱97：男朋友對我好好，但忽然間話分手

問題：

同男朋友一齊佐一年幾，前日忽然話分手⋯
男朋友18歲，我22歲，
佢對我都幾好，好錫我，係個暖男黎，
但佢成日唔記住我既野，而且唔識適可而止，諗野又唔成熟⋯
我講過我唔中意既野比佢知，叫佢唔好再做，但係佢都無改變到。
我就好易對佢發脾氣。
前日係send message比我話要分手⋯
佢話我同佢性格唔岩，年齡差距好大，溝通唔到，又話唔想我為佐佢失去自己，可以擁有更加好既，
之後又話自己係player, 從來都無愛過，亦都無留戀⋯

佢邊句真邊句假😭
係咪都唔應該再搵佢😭

thanks a lot😔
佢已經delete哂ig啲相同我個follow, 我啲朋友同事原本都有follow佢，但分佐手之後，佢地都比我男朋友移除follow佐，但佢有繼續follow佢地。連ps4好友同聯絡人都delete佐。但facebook佢有用，反而無delete我⋯
佢到底諗咩😭
____________________________________________________________________________________

回覆：

我唔知你地之前係咪鬧左好大既交，搞到佢諗諗下愈來愈唔開心，所以決定要分手。不過我想知你平時發脾氣係咪發得好大好多，佢成日都就你，但個樣其實好唔耐煩？如果因為咁既原因，積積埋埋真係可能會一次爆。我有朋友試過明明好sweet，之後對方冇啦啦分手，原來佢地啱啱一齊嗰陣對方對佢唔係咁好，長久以來心灰意冷搞到呢個田地。我朋友初初都唔知點解要分手，但回想返先知自己以前對佢唔夠好。

假如你話你一直以來都對佢勁好，佢又冇啦啦咁樣，咁一定係中意左另一個人了。