女朋友最憎既男朋友類型，中左其中一樣都想死(下)

好耐之前喺第162篇我講過一篇，關於男人接受唔到咩類型既女仔，嗰時大家反應好激烈！因為好容易中。但我份人好中立既，點會淨係話女仔唔話男仔？以下呢幾點如果是旦中一樣，你都要反省下自己身為男朋友係咪做得唔好喇。


6. 小器 脾氣差 打女人

每次有壓力都會搵女朋友發洩，打佢、鬧佢、黑面、掟爛野等等，根本唔係一個正常人既所為。其實你咁樣不如睇醫生啦，我懷疑你有躁狂症呀！

7. 食煙 賭錢 吸毒 叫雞

其實除左賭錢唔過量先可以玩之外，另外三樣根本掂唔可以掂，依家唔係叫你去做黑社會呀，叫你好好地做個錫女朋友既男人咋。

8. 好食懶做

如果你本身已經同女朋友傾好左佢返工賺錢，你做家庭主夫既話當然冇問題，問題係你唔諗住遵循三從四德就麻煩你去返工！你女朋友唔係唔捱得，而係當佢見到你訓喺屋企無所事事都會心痛。你話你有夢想想實現都話可以支持你，但零目標、零動力要點做好？真係食空氣可以長大？
9. 下體思考

你同佢一齊都唔知係為左發洩定點，除左做愛嗰陣對佢最好，有問過佢感受 (舒唔舒服呀？)之外，其餘時間都hea應、冇心拍拖，好心唔想照顧人就唔好拖人時間！

10. 偷食 外遇

唔使解釋啦呢個

14. 大使但唔儲錢

本身乜野都係AA制所以影響唔到女方，但係當你大使到自理都唔得要問財仔借，你問心，邊個會願意將自己下半世交比你？真係唔識儲錢連生仔資格都冇添呀，你唔通諗住dum佢喺孤兒院或者社署自生自滅呀？dum你落街先好唔好？

可能你覺得上面既問題都唔係問題，因為女朋友依然不離不棄。但其實佢唔走只係因為佢信你仲會改，仲覺得你會為左佢變好。假如你唔想眾叛親離，咁你真係要好好諗下之後既人生點過。
_________________________________________________________________

如果中意我既文可以去我Instagram ：lovestoryhk或者like我facebook fanpage：紙情
/定期更新愛情文章架，多謝支持/


_________________________________________________________________