異地戀先會知道既事，掛住佢既時候永遠唔喺身邊
查實我黎寫呢篇文真係好啱，因為男朋友dum但我返大陸做野，留返我自己一個喺香港ONJJ。雖然個幾月話長就絕對唔長既，但一定唔係短！所以我喺香港真係好慘，而以下問題對於異地戀情侶實好有同感：
1. 分開前一晚特別難受
明明知道對方第二日要離開，淨返唔夠幾個鐘既時間好難受，就好似就黎上斷頭台行刑一樣。我好想有人會大嗌「刀下留人」，而事實上我只可以睇住佢入禁區。
其實我自問已經好努力錫佢、攬佢，用盡一切辦法留住溫度、速度、溫柔和憤怒....不過我留得住個心都留唔到個人，分開嗰刻喊到死又點？佢都係要走。
2 . 想鬧交？其實只係想多啲同你傾偈
每次我同男朋友喺香港鬧交會冷戰、唔想理佢，但佢去左外地，大家平時見唔到面，傾偈既時間又因為大家有野做/時差而縮短。為左爭取多啲時間同佢講野 ，我會特登講啲野激嬲佢，等佢至少可以鬧返我轉頭，總好過唔搵大家。
不過當然，呢招只係喺兩個感情仲好好先可以做，如果大家已經淡淡地仲咁樣，睇怕對方會即刻動真火，借機講分手。
3 .時差問題
依家男朋友喺大陸就好啲，時區一樣，但之前佢去過加拿大exchange同香港時間相差12個鐘。姐係我朝早起身返工嗰陣佢食緊飯，佢訓左覺我就放工冇野做，兩個既時間永遠夾唔到。
就算其中一方唔介意唔訓都想skype，另一方可能都有好多節目。可惜缺乏溝通真係感情最脆弱既時候，唔少人會好易覺得氣餒，想放棄。
4 .電話收得唔好
「喂？...喂？？？我聽唔到你講野呀！」
相信好多人都試過講呢句，傾傾下幾秒冇啦啦又斷線收唔到，搞到愈傾愈激氣，影響感情。我試過Skype 、Messenger、WhatsApp，結果都係Messenger最方便，收得唔錯(因為Messenger好食數據，但有時為左對方就要犧牲下啦)
5 .重要既日子/需要佢，佢唔喺度
呢樣係異地戀最難接受 ！例如有壓力唔知同邊個講，辛苦野只可以自己一個承受；例如M痛/病到死都只收到冷冰冰既文字，有咩都要硬住頭皮自己頂；例如平時比人蝦只會同佢講，依家要學識獨自面對，訓練高EQ；例如節日個個同另一半出街慶祝，自己留返喺屋企都算，仲要一轆fb ig就見到閃到爆既合照。邊個邊個有禮物收，邊個又被求婚，嗰刻如果唔係有強大既心臟？早已經心碎死。
6. 對方唔明白自己心情
兩個人唔係面對面始終好難表達心情，佢唔知我幾嬲、幾寂寞、幾唔開心.....一味淨係用言語安慰係好難釋懷(雖然迫不得已)。但有啲人更加過份，全唔想理咁，好似去左外地玩到個心都飛左去第二度。
7. 因為佢掛住玩而變淡
係，我知出面個世界好大，但係佢個世界裡面仲有我呀！當然去到外地梗係要睇返夠本，親身體驗下風土民情、睇景色，不過都冇可能搵都唔搵自己囉。如果對方因為外面個世界放棄左自己，咁呢個人要唔要都罷。
_________________________________________________________________
如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________
1. 分開前一晚特別難受
明明知道對方第二日要離開，淨返唔夠幾個鐘既時間好難受，就好似就黎上斷頭台行刑一樣。我好想有人會大嗌「刀下留人」，而事實上我只可以睇住佢入禁區。
其實我自問已經好努力錫佢、攬佢，用盡一切辦法留住溫度、速度、溫柔和憤怒....不過我留得住個心都留唔到個人，分開嗰刻喊到死又點？佢都係要走。
2 . 想鬧交？其實只係想多啲同你傾偈
每次我同男朋友喺香港鬧交會冷戰、唔想理佢，但佢去左外地，大家平時見唔到面，傾偈既時間又因為大家有野做/時差而縮短。為左爭取多啲時間同佢講野 ，我會特登講啲野激嬲佢，等佢至少可以鬧返我轉頭，總好過唔搵大家。
不過當然，呢招只係喺兩個感情仲好好先可以做，如果大家已經淡淡地仲咁樣，睇怕對方會即刻動真火，借機講分手。
3 .時差問題
依家男朋友喺大陸就好啲，時區一樣，但之前佢去過加拿大exchange同香港時間相差12個鐘。姐係我朝早起身返工嗰陣佢食緊飯，佢訓左覺我就放工冇野做，兩個既時間永遠夾唔到。
就算其中一方唔介意唔訓都想skype，另一方可能都有好多節目。可惜缺乏溝通真係感情最脆弱既時候，唔少人會好易覺得氣餒，想放棄。
4 .電話收得唔好
「喂？...喂？？？我聽唔到你講野呀！」
相信好多人都試過講呢句，傾傾下幾秒冇啦啦又斷線收唔到，搞到愈傾愈激氣，影響感情。我試過Skype 、Messenger、WhatsApp，結果都係Messenger最方便，收得唔錯(因為Messenger好食數據，但有時為左對方就要犧牲下啦)
5 .重要既日子/需要佢，佢唔喺度
呢樣係異地戀最難接受 ！例如有壓力唔知同邊個講，辛苦野只可以自己一個承受；例如M痛/病到死都只收到冷冰冰既文字，有咩都要硬住頭皮自己頂；例如平時比人蝦只會同佢講，依家要學識獨自面對，訓練高EQ；例如節日個個同另一半出街慶祝，自己留返喺屋企都算，仲要一轆fb ig就見到閃到爆既合照。邊個邊個有禮物收，邊個又被求婚，嗰刻如果唔係有強大既心臟？早已經心碎死。
6. 對方唔明白自己心情
兩個人唔係面對面始終好難表達心情，佢唔知我幾嬲、幾寂寞、幾唔開心.....一味淨係用言語安慰係好難釋懷(雖然迫不得已)。但有啲人更加過份，全唔想理咁，好似去左外地玩到個心都飛左去第二度。
7. 因為佢掛住玩而變淡
係，我知出面個世界好大，但係佢個世界裡面仲有我呀！當然去到外地梗係要睇返夠本，親身體驗下風土民情、睇景色，不過都冇可能搵都唔搵自己囉。如果對方因為外面個世界放棄左自己，咁呢個人要唔要都罷。
_________________________________________________________________
如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/