大家各有各底線唔可以觸及

每個人都有底線，所謂既底線就係唔可以觸犯或越過既野。


或者我可以具體啲咁講：你要求女朋友唔可以落bar飲酒，呢個係你既底線；佢唔想你應承左自己既野唔可以反口，呢個係佢既底線。底線冇分大事定小事，總之因為人人有自己原則，所以必定會堅守底線。唔似普通做錯野講對唔住就可以好返，破壞左既話邊個都冇情講。

我曾經好唔明白點解男朋友好小事都會嘈，佢好耐之前同我講過，好唔中意將佢啲野同其他人講，佢話好煩，次次一嘈都係因為我咁樣做。但我覺得根本冇野，嗰啲係佢親人有責任要知架嘛....後來我先知底線呢啲根本冇話大定細........

事源有次男朋友話我做野做得唔好，我勁嬲，嬲左佢幾個鐘。而佢同我嗰陣一樣，完全唔明點解我咁嬲架！不過我底線係：我自己會做好佢，唔想人質疑我能力。喺佢眼中呢件事同樣好小事之嘛，正如我覺得將佢啲野話比佢屋企人聽係好小事一樣。所以為左唔好咁易過大家底線，不如講曬大家既原則出黎先，以後都唔可以再踩界，當然邊啲冇講過出黎既就唔當踩界啦。
講返一開始既例子先，你底線係唔想女朋友落bar飲酒都好正常，其實你一早講到明唔想，佢唔聽，佢係要去，係唔會令佢同人地關係好左。相反你同佢就會因為呢件事打破大家既諾言，亦踩到你底線，覺得佢唔尊重你。既然佢之前應承左你，依家又冇遵守，其實都係冇誠信既表現。如果佢覺得有問題就應該事先傾，記得唔好事後先黎追究啊！
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/


_________________________________________________________________