點樣分清楚佢係player定真心想同你一齊

呢個世界唔係所有人都係好人，亦唔係所有人都係壞人。好多人好擔心拍拖一旦付出真心，最後比人以唔定性為藉口玩自己，究竟點先分得清對方係咪Player呢？


1. 性佔左好大部分

一見面唔理你plan左咩拍拖行程，只係想搵地方快快上床，到左你只係想一齊食餐飯嗰陣佢就萬般唔願意，咁樣已經好明顯啦！

2. 冇名份咁一齊

即使平時幾低調地做人，拍拖都會想介紹比好朋友知，如果唔係啲咩特別原因 (例如屋企人反對/影響學業、 工作之類)，又係都唔肯承認你既存在，咁真係好可疑。

3. 你對佢一無所知

明明你地已經拍左一段時間，除左佢個名你係知道之外，對佢既身份、返緊咩工、屋企位置、朋友咩人等等咩都唔知。

4. 重要節日唔同你過
當然佢要返工係例外架啦，咁唔搵多啲錢點樣應付拍拖開支呢？之但係佢話唔關做野事，然後你話想補祝都被拒絕的話，你真係要諗下佢係咪真係咁唔重視節日，定係背後有咩瞞住你喇。如果唔係一陣你喺屋企ONJJ等佢，佢就同人好開心咁啪啪啪。

5. 次次出街你埋單

對方明明完全冇經濟壓力，但係都唔肯比自己嗰份錢，又要不斷求你買野比佢否則就唔陪你出街...喂，好明顯你係佢條水魚啦。

6. 成日失蹤唔見人

無論你wtsapp佢 打電話比佢，總之佢唔會比你搵到，事後仍然唔會講自己去左邊？嗯，佢應該係搵緊另一個人慰藉心靈喇。

以上中左兩項或以上，你真係要小心小心！唔想你比人呃呀。
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情Lovestoryhk
/定期更新愛情文章架，多謝支持/

_________________________________________________________________