想成為完美男朋友？女朋友萬年問題絕對正解(下)

自古以來女朋友既問題層出不窮，你估到既佢一早問左，你估唔到既佢亦準備會問，咁究竟點答先唔會Hea 唔會死，仲可以調轉頭比佢感受到你對佢既愛呢？

上次我出左第1輯大家都非常激動，今次參考左近日大陸節目《快樂大本營》何老師既搞笑建議，見到佢每次一答，啲女嘉賓都春心蕩漾咁樣，姐係證明呢啲肉麻野啦！我改編左少少，又加左少少野，希望對你地有用，唔好成日話唔識氹女仔又唔願學。

我唔小心整爛左你啲野 (高達)呀....對唔住...(大哭)

不要說：Dllm你知唔知好貴架？！你賠得起咩
亦不要說：我地冷靜下啦，唔想理你
試著說：啲野爛左唔緊要，你喊到咁淒涼就唔得。啲野爛左可以買返，你走左就冇第二個架喇！

我...我冇化妝呀 今日太趕時間喇！

不要說：唔緊要啦，今日都冇乜地方要去
亦不要說：你化唔化都係咁靚
試著說：快啲化妝！你素顏咁靚咁純潔比我一個人睇就夠，其他人只可以睇到你上左妝既樣。

Bb 你覺得我有咩唔同呀？


不要說：Lun知咩 咁你又知唔知我今日啲屎咩狀態呀？
亦不要說：眼長左？鼻高左？頭髮冇電？
試著說：我淨係知你眼裡面既我又更加愛你

我發燒吖....(呢個時候你一早約左朋友玩)


不要說：你自己記得去睇醫生喇
亦不要說：飲多啲暖水呀。
試著說：我出門口喇Byebye........(事實上係去緊女朋友屋企...女朋友開門)Bb！我漏左啲野喺你度呀，魂魄呀！你病左我仲點會出街玩咁自私呀，我買左粥，食完好快啲訓啦，我陪住你。
完整影片：



以上答案你以為好白痴？錯喇，女朋友口就話你低能，個心就甜到漏，所以要冧女就要先學識反手。首先扮壞男人，偏要講啲唔合佢心意既野，最後先反轉黎個超級浪漫既表白。