【曼谷】超萌旗艦動物園 Little Zoo Café 齊集萌萌丁滿浣熊

Little Zoo Café 📍486 On Nut Rd, Khwaeng Suan Luang, Suan LuangBangkok, Thailand
📱+66 92 448 1116 ⏰11:00 - 20:00 Little Zoo Café 的Siam Square分店結業之後好快係On Nut BTS站附近，又開分店喇！預計6月1日開業，但出發搵萌萌丁滿浣熊前記得打電話預約喔！雖然Siam Square分店結業後會無咁方便，但話明係旗艦店地方自然就更大，環境更好，食物更多元化。Café分成多個唔同區域，每類小動物都有自己小天地！我地一班貓奴又係時侯幫主子影寫真喇！
動物種類同數量都唔少，如果得啲貓仔狗仔兔仔雀仔應該稱不上超萌旗艦動物園佢地嘅賣點就係一啲特別而又唔常見嘅小動物，有刺猬、擴耳狐、狐獴(丁滿)、浣熊、飛鼠。某啲動物我諗係香港都未見過掛？店主講由於新開張，未來將會有更多更特別動物加入呢個大家庭！唔知會係咩呢？飛鼠肥嘟嘟嘅浣熊狐獴(丁滿)
首先職員會安排你先洗手，入場費390銖1位包1杯飲品和1份食物，食物更可以換紀念品，仲要無時間限制想玩幾耐都得之後職員就會安排坐位，如果想親近小動物的話都會有職員帶領，係一個安全情況下接觸小動物，但大家記得唔好開閃光燈嚇親佢地。

丁滿真係超級好動根本好難抱住所以只係影左張相就走左喇佢 擴耳狐就比較溫馴，職員會教客人點抱，仲會好熱心幫你影相
整體嚟講，中意小動物嘅朋友仔，去曼谷玩真係要試下呢間旗艦動物園 Little Zoo Café!
乾淨程度🐶🐶🐶🐶🐶/5
服務態度🐶🐶🐶🐶🐶/5
食物質素🐶🐶🐶/5
最後送多隻肉球俾咁多位奴才/鏟屎官為答謝你地睇到最後