【搵食☞尖沙咀】Chill爆德國餐廳

🍽Prost by King Ludwig
📌香港尖沙咀彌敦道132號美麗華廣場一期302號舖😋好味指數😋😋😋😋／5

德國菜不嬲都係一班朋友食飯最好嘅選擇，飲下啤酒傾下偈聽下歌真心Chill爆。呢間德國餐廳想試好耐，有live band好有氣氛(因疫情暫停)，坐得又舒服，食物高水準，好值得一試！！食德國菜通常大家必定會叫豬手同埋腸，呢到嘅豬手係即叫即製，行入餐廳已經聞到好香既豬手味，真係流哂口水。餐廳嘅環境有室內及室外，露天位亦都有分有帳篷及全露天。岩哂一班Friends收工Relax下～
必叫德國豬手
呢個份量超大，即叫即整，上檯時香噴噴熱辣辣， 外皮相當脆扑扑，食落咯咯聲，內裏肉質滑嫩唔會太鹹，相當出色。廚師會切開豬手碎上，每人都有一大舊，豬手本身食一舊半舊就岩岩好，太多就會太濟
德國麵包圈＋南瓜籽麵包
個麵包圈可以自己揀兩個醬，我就要左芝士同牛肝醬
德國香腸拼盤
德國腸拼盤配酸椰菜及薯仔，香腸本身有啲鹹，加埋酸菜同薯仔調味就好夾，中和返腸仔鹹味
炸魚薯條
普通炸野，味道中規中舉，飲啤酒點少得炸物德式芝士麵團配蕃茄醬肉丸
德國麵團，口感有啲似刀削麵，肉丸油香好重，咬落去有肉汁。蕃茄芝士汁同肉丸都好出色，雖然成碟份量唔算好多，但芝士同麵團都有飽肚食物，多人share食會無咁濟
火焰雪山配杏仁芭菲鮮果
食之前會倒啲酒係雪山上面再點火，酒味唔會太濃烈，雪山外層嘅口感同味道都係半溶狀態，做到似棉花糖質感，雪糕係果仁味，夾雜酒香味，真係好好味同好出色