【反轉廚房】零技巧10分鐘整墨西哥雞卷

發覺唔少減緊肥嘅朋友都食墨西哥卷，感覺又飽肚健康，而且個餡又可以自行配搭，芝士煙三文魚、照燒牛肉、鮮蝦蔬菜，你諗得出嘅都可以擺落去。朝早整好，晏就做完gym補充返能量就夠哂方便喇。有餡嘅墨西哥卷其實好飽肚，對胃口唔太大嘅女仔，當正餐食一定飽到下一餐。今次就示範雞肉墨西哥卷，簡單易整、烚熟就得，無技術可言！

材料
墨西哥卷餅 1塊
雞胸肉 150g
生菜適量
粟米適量希臘乳酪2湯匙第一步
將雞胸肉，生菜洗淨，粟米微波爐加熱2分鐘，待用第二步
雞胸肉加入糖、鹽，醃大約20分鐘
第三步
燒熱鑊，將雞胸肉用水煎法煎熟，雞胸肉係熱鑊平放後加入兩湯匙食水當水分蒸發後，轉細火，轉另一面，再加兩湯匙食水，兩面都煎至微微金黃第四步
煎熟雞胸肉切粒準備小碗，加入希臘乳酪，粟米，雞胸肉，撈勻第五步
墨西哥卷餅細火煎熱先放生菜再放入所有餡料包法如下食得喇！


記得LIKE埋FACEBOOK PAGE啊！