【台南】玩轉日式居酒屋風格┃巨大化三文魚壽司 - 昭和九十八居酒屋

📌台南市北區和緯路一段98號
📱06-251-7098 ⏰11:00-13:30、17:30-21:30 (週一公休)
😋好味指數😋😋😋😋／5
今日推薦位於台南擁有超巨大三文魚壽司之稱嘅昭和九十八居酒屋，呢到嘅三文魚真係有手掌咁大架。真係食一舊＝正常版三件，中意三文魚粉絲們記得試下喇！不過建議事先預約～門面裝潢已經濃濃日式風格，門側邊木頭裝潢真係好有日劇居酒屋嘅感覺入到店內，環境氛圍同佈置都充滿日式氣氛，坐位唔算太多，用左簡約木質枱凳襯托居酒屋設計亦都有吧枱選擇，真係再三咁講"超澎湃日式居酒屋味道"
巨無霸三文魚握壽司
份量相當大，大概同手掌一樣大，一客有三件，單食呢碟已經飽哂。大片厚實嘅三文魚覆蓋壽司飯上面！不過壽司溫度偏高，唔夠冰凍，有啲可惜，味道還可以！
日式炒麵
日式醬油香，上層放即煎荷包蛋，淋上日式沙律醬，再灑上海苔粉即刻提升視覺效果
薑汁豚肉丼
薑味唔算太濃烈，豚肉鹹香濕潤,配大量洋蔥好惹味
芝士明太玉子燒
單睇賣相已經好吸引，淋上超多明太子醬，中間夾住滿滿嘅拉絲芝士，完全唔覺得乾仲好有蛋香味昭和炸雞
有醃料香味，雞皮某啲位炸得比較燶，不過我中意！肉質軟嫩，保留到肉汁。特別位係，一碟炸雞已經有一片檸檬，但仲會俾一細枝檸檬汁，應該係俾中意重口味嘅人可以加到滿意為止，非常貼心！
日式煎餃
餃子皮唔算好厚，入面仲有原隻鮮蝦
整體黎講，大大啖咁食三文魚真係好滿足，食完超有滿足感！店內環境乾淨，店員服務不錯！