【台北】牛魔王福利┃NO.1麻辣鍋┃2小時瘋狂任飲任食頂級牛肉

📌臺北市信義區松壽路12號ATT4FUN
📱 0227227667⏰周一至周五 11:30 ~ 16:00 / 16:00 ~ 01:30 周六至周日 11:30 ~ 01:30好味指數:🌕🌕🌕🌕🌕
辛殿麻辣鍋係台北有松江店及信義店兩間分店，今次就揀左位於信義區百貨商場附近嘅 ATT 4 FUN 一樓辛殿麻辣火鍋(信義店ATT 4 FUN)，貪佢夠哂方便，呢間台北麻辣鍋任飲任食人氣爆哂燈，無時無刻都大排長龍，唔單止遊客難訂位，連台灣人都要自製訂位攻略！一眼望去 ，透明落地大玻璃 ，相當舒適。裝潢風格夠特別，一般麻辣鍋幾乎都係用中式風格設計，相反辛殿麻辣鍋走向夜店風格，會播放好多歐美熱門歌，整個餐廳氣氛，簡直顛覆傳統火鍋店嘅印象。用餐環境，有三種座位區，有2~4人小圓枱、大圓枱仲有仲有⋯⋯高度岩岩好嘅梳發位，每張枱側邊亦都有個架可以擺野食，多啲空間食野都食得舒服啲
自助區
環境乾淨整潔，尚算大嘅活動範圍，醬料碟無污漬，抵讚！
飲品自助區
茶包提供英國TWININGS，仲有多款汽水，沙冰，果汁，涼茶俾你揀，側邊仲有部UCC咖啡機，想飲熱辣辣咖啡、摩卡、朱古力、牛奶、熱茶都得
醬料自助區
醬料多達10幾款，仲有XO醬，蔥粒、芫茜、蒜泥非常新鮮，大大兜擺你面前，店員仲會隨時添加，完全無缺醬料嘅情況發生
雪糕自助區
4款Movenpick + 7款Häagen-Dazs雪糕任你揀，雪糕軟硬度適中，非常好𢳂，而且仲有威化筒，非常脆
餐單
任飲任食火鍋店通常出現漏單情況又或者限制一次只可以點幾樣同最多只可以點幾份，辛殿麻辣鍋無限制而無漏單用料方面亦都非常新鮮，值得推薦！唔好睇個餐單好似好少野食揀，入面都有齊豬牛羊肉、菇類、海鮮、滷製品、丸類、時蔬、麵類、甜品，酒類就要另外加錢
鴛鴦鍋湯底
紅鍋 - 四川辣椒乾、大紅袍花椒、豆瓣醬再加多種中藥熬製出香濃麻辣湯底，食落又香又麻又辣，辣度溫和，麻辣香氣充斥成間店，再配上無限添加入味又嫩口嘅鴨血同豆腐，特別推薦放肉類，真係超級惹味！

白鍋 - 用大量蔬果、豬骨熬製，香氣十足，裏面加入整粒蒜頭，湯底味道溫和、甘甜，有蒜香味適合養生或品中意重口味嘅人，特別推薦放蔬菜、麵類、丸類、菇類、海鮮一流
肉類
PRIME級穀飼牛牛舌
帶有爽口嘅口感，無論擺落麻辣鍋定白鍋都各有風味，好味程度已經嗌左第3次
美國CAB安格黑牛
牛肉片好大塊，油脂分佈平均，放係麻辣鍋5秒岩岩好食得，口感柔軟嫩滑
美國CHOICE頂級小菲力
肉質粉嫩嘅色澤，油脂分佈鮮明，紮實肉質，吸哂湯底精華
美國PRIME無骨牛小排
牛小排係香港可以話任飲任食火鍋店唔常見嘅肉類，因為貴麻，但呢到有得無限嗌，可以肆無忌憚咁狂食，油花分佈好靚，口感非常嫩，爆多肉汁，牛嘅香氣係口腔大爆發
美國CAB安格斯雪花牛
脂肪比例較多，口感特別軟
美國CHOICE特級嫩肩
瘦肉部份算多嘅一款
紐西蘭頂級小沙朗
肉質較韌我個人唔太中意
美國CHOICE頂級後腹牛五花
肥瘦各一半嘅牛五花，口感非常嫩，充滿油脂嘅香氣
紐西蘭羔羊卷
有羊肉獨特味道，唔會太騷，肉質夠厚
台灣特級黑毛豬肥瘦度適中，紮實嘅肉質，但完全唔覺韌同嚡熠熠
海鮮
大白蝦
蝦肉有彈性，非常新鮮，仲有啲蝦糕，搭配白鍋湯底超好味
蛤蠣
蛤蠣雖然唔夠大隻，但無沙尚算新鮮，粒粒都打開蓋脹卜卜
澎湖小卷
口感爽脆鮮甜，略帶海水味
東港鮮蚵
鮮蚵唔夠肥美飽滿，有啲腥
鮮凍貝鮑
充滿鮮味，非常彈牙，肉質鮮甜
丸類手作蛋餃
每日人手煎蛋皮再包入餡料，就算煮得耐都唔散開，無論放麻辣鍋定白鍋都好夾

芝心丸
一咬芝士即刻湧出竹，仲有拉絲效果

龍蝦沙律丸
繼續爆漿嘅口感，甜甜鹹鹹完全融入口

基隆甜不辣
普普通通甜不辣

手打鴨肉丸
味道似貢丸，多左鴨肉鮮甜肉汁

牛梅花肉丸
牛丸夠彈牙，保留到肉汁

蔬菜類，菇類菇類吸哂麻辣湯精華，超級入味。中意清啲嘅放落白鍋煮都唔錯，極力推介超甜粟米，勁新鮮生菜


麵類
食到海鮮部分其實已經好飽，未飽嘅朋友可以試下王子麵，放落麻辣湯煮3分鐘食得，整返個麻辣撈麵又得，超滿足
甜品
千層蛋糕
超薄皮，一層叠一層，配超滑忌廉
奶酪
奶凍質感軟滑、奶味十足，頂層有芒果醬酸酸甜甜
瑞士巧克力蛋糕普普通通，味道偏苦 ，有啲乾