【PSV沒落?】歐美地區將於2019年3月底停產PSV實體版遊戲

PSV作為Sony出產既手提遊戲機由2011年推出到現在都已經接近有7年既歷史 , 近年對家Switch既興起加上本身PSV好多遊戲都同自家PS4兼容既時候 , 都令到好多巴打認為PSV開始沒落 , 而近日Sony歐美分部宣佈既消息就更加確定左大家認為既野將會漸漸變成事實 , 咁呢個消息就係係2018財政年度之後(姐係係2019年3月31日之後)歐美既PSV實體版遊戲將會停產。


雖然亞洲地區以及日本還未有停產PSV實體版遊戲既消息 , 而且數位版既遊戲亦唔受影響 , 但對於鍾意收藏實體版遊戲既巴打黎講呢個消息的確有一定程度既打擊係度 , 如果大家還有一些歐美版既遊戲想買但未買既話 , 就要把握最後呢段時間。

不過繼之前宣佈由2019年3月8日開始PS Plus會籍將不支援PSV , 加上今次歐美地區停產實體版遊戲既消息之後 , 有好多巴打都認為亞洲地區以及日本地區停產實體版遊戲只係時間既問題 , 而且覺得PSV已經完成左佢既歷史任務 , 亦估計Sony應該會係呢一兩年推出全新既手提遊戲機或者放棄呢方面既市場 , 咁到底Sony係呢方面既市場會朝住邊方面既發展呢?大家就拭目以待。
轉載自3iGAME