進擊的巨人2 粵語版

呢次擺到明幫J2買廣告！

ViuTV 逢星期日十一點就做《一拳超人》，之後5月7號晚開始，J2就播《進擊的巨人2》，呢舖真係咩都返哂嚟！
以前追深夜動畫，時間咪就係咁過囉！龍珠又好、星矢又好、幽遊白書，個時季季都有正嘢！（我都唔明點解妖尾咁三級都可以朝頭早做）

沉咗咁耐嘅粵語動畫終於返返嚟，不過係唔同電視台即，都好過比TVB播哂。

雖然係電視出街嘅深夜動畫，十套有九套都剪走好多嘢（真係堅唔明），不過勝在唔洗睇字幕，我呢啲老人家已經讀唔成成書重要追字幕，真係好辛苦，加上一直以嚟都好鍾意粵語配音呢班聲優。

雖然未知會有幾多熟識嘅配音做呢套嘢，但TVB嘅配音組都有保証，所以堅期待。

估唔到今時今日J2都重有嘢比我追下，不過TVB成個名臭哂，搞到我成日都唔想睇，Miss咗我勁鍾意嘅田中同學，個時又有睇到輕音少女，最慘嘅係想重溫都無，其實有好多J2做過嘅動畫真係想睇返，唯有再上網搵啦⋯⋯

想知J2有咩睇？睇維基好過睇佢個台嘅節目表啦！

記住！星期日晚23:00 一拳超人（ViuTV) 之後就係進擊的巨人2（J2)

https://zh.m.wikipedia.org/zh-hk/J2動畫列表