你以為你真係爆哂機？NieR: Automata仲有一個結局未俾人搵到！

NieR: Automata不論係故事、配樂定人設都非常好，加上劇情豐富且包含大量隱藏元素，可以觸發到嘅結局高達26個，所以即使已經推出個一年，依然好多人仲喺度煲緊(，同時亦都仲有好多人cosplay緊ww)。但當大家都以為呢一年唔同玩家已經搵齊哂所以結局，事實上似乎仲有一個結局大家係未搵到！


最近Fami通就同10位有份製作NieR: Automata嘅開發人員做咗個訪問，其中包括製作人齊藤陽介，監督橫尾太郎等人。喺訪問裡佢哋就提到："其實仲有一個秘密結局仲未有玩家發現到！我只可以講呢個結局係非常黑暗，所以我哋唔會直接講呢個結局係點，或者點先觸發到。因為好多唔同嘅原因，呢個秘密最終都係放咗入遊戲裡面。我再講落去就會出事，所以唔講喇，總之呢個會係NieR: Automata最後一個秘密。" 簡單講，即係叫你繼續玩啦ww，但到而家都仲未有人有頭緒仲可以喺邊個位改變而家已經搵到嘅故事發展。