Switch破解無極限，連Windows 95都行到!?
之前喺《Switch再次被破解，原因居然係Nvidia問題!?》就講過Switch因為做Nvidia Tegra芯片，所以有個極易破解嘅漏洞，雖然發現呢個漏洞嘅Hacker仲未公開破解嘅實際方法，不過一眾hacker知道個漏洞係嚟自粒U，基本上好快就搵到方法。最近外國Youtuber EpicLPer就公開咗條片，展示佢成功喺Switch行到Linux同Windows 95。
喺Switch行到Linux就唔係新鮮事，不過今次佢就成功利用DOSBox喺Linux行到Windows 95，Screen Saver、Notepad等功能係成功行到！再咁落去，Switch真係可以喺短時間之內被完全破解！雖然Nvidia嘅顯示卡真係高質，但佢粒Tegra芯片一直都飽受批評，相信任天堂唔係為咗壓低成本同當時需要短時間內大量生產，都未必會揀Tegra X1。平時有bug透過固件更新就可以解決，問題係今次個漏洞係出咗廠就解決唔到，任天堂今次真係中伏中到應一應。
喺Switch行到Linux就唔係新鮮事，不過今次佢就成功利用DOSBox喺Linux行到Windows 95，Screen Saver、Notepad等功能係成功行到！再咁落去，Switch真係可以喺短時間之內被完全破解！雖然Nvidia嘅顯示卡真係高質，但佢粒Tegra芯片一直都飽受批評，相信任天堂唔係為咗壓低成本同當時需要短時間內大量生產，都未必會揀Tegra X1。平時有bug透過固件更新就可以解決，問題係今次個漏洞係出咗廠就解決唔到，任天堂今次真係中伏中到應一應。