告別小學雞？歐盟通過法例未夠13歲唔俾玩LOL！

日前，歐盟正式通過喺數據保護相關嘅法例加入年齡限制法案，大部份遊戲及社交媒體都被加入限制，未滿13歲嘅少年將唔可以使用所有受限程式，而介乎13至16歲嘅青少年需要喺父母及監護人同意先可以啟用部份功能，受限程式包括Facebook、LOL(英雄聯盟)等。


Riot表示，未滿16歲嘅歐洲玩家喺5/25開始會收到同意書，必須由父母回覆，如果父母拒絕回覆或者唔記得覆嘅話，其帳號將會被凍結至16歲當日。而因法案規定遊玩LOL嘅最低年齡為13歲，13歲以下嘅歐洲玩家，其帳號將被凍結。另外，礙於法案規定，未滿16歲嘅玩家帳號將被禁止一切課金行為。