冷飯無極限！Wild Guns Reloaded即將登陸NS

似乎唔少廠商本來都唔多睇好NS嘅前景，但見NS咁受歡迎，唯有急急忙炒返啲都受歡迎嘅舊作出嚟。NatsumeAtari最近就宣佈Wild Guns Reloaded會移植到Switch，會以PS4版本嘅內容為基礎，追加全新元素。


Wild Guns初次登場係喺1994年喺超任推出，22年後原班人馬重製呢隻game兼喺PS4上推出，上年就出埋PC版，闊別24年，終於再次登上任天堂嘅主機。本作將追加Boss連戰模式以及初學者模式，Boss連戰模式顧名思義就係連續挑戰Boss，而初學者模式會將玩家變成無限命，所以無論你打得叻唔叻，一樣可以打到尾。擺得落NS，梗係有返啲NS嘅特色放落去，會支援最多4人同時遊玩，另外以前無電視就玩唔到，而家就得喇！