又假得幾真！Pokemon第八代御三家概念圖疑似流出！

雖然Pokemon第八代十劃都未有一撇，但關於佢嘅傳聞就滿天飛，當然屬真屬假就無人知，信不信由你。今日(2/21)喺4Chan嘅Pokemon討論版就流出咗三幅疑似係第八代御三家概念圖，分別係火屬嘅兔仔、水屬嘅鴨嘴獸同木屬嘅狐猴。


比起佢哋係官方嘅設計概念圖，我更相信佢哋係fan made，不過完成度真係好高！(唔知老任有冇興趣收編呢個畫師ww) 雖然我唔信佢係真，但佢又未必係假嘅，就好似甲賀忍蛙咁，佢喺Sun/Moon正式推出前就流出過，當時都引起大家熱烈討論，都唔多人信係真架！第八代Pokemon咩資訊都未公開，剩係知會係NS獨佔。