DQ11歐美版9月上市，Switch版將以PS4版為基礎
之前《【痴線佬系列】《勇者鬥惡龍XI~尋覓逝去的時光》有沒有語音又怎樣? 》都講過今年9月4號，DQ11歐美版將會喺PS4同Steam推出。除咗字幕有英文揀之外，同原版最唔同就係遊戲會加人英文語音，一反DQ傳統，所以製作人岡本北斗都咁講："英文版更接近復刻多過升級"。被問到點解喺歐美唔出3DS版呢，佢就咁答："DQ11係集30年以嚟所以DQ大成，我哋希望除咗忠粉會支持，亦都可以吸引到從未接觸過DQ嘅朋友。考慮到DQ已經13年無喺家用機推出正統作，PS4同Steam似乎比3DS更適合將DQ11帶去西方國家。
之前Square Enix就證實DQ11係會出Switch版，但一直無進一步消息，雖然到今日都未有推出日期，但終於釐清咗Switch係根據PS4版本進行移植。但點解Switch版遲遲都未出呢？岡本北斗表示："喺DQ11決定開發嘅時候已經包含Switch版本，不過當時Switch嘅SDK係唔支援Unreal 4。雖然Switch嘅SDK而家係支援Unreal 4，但問題係Switch支援嘅版本比我哋開發嘅版本新，所以我哋要先更新我哋嘅Engine，但咁又會影響遊戲而家嘅架構，我哋而家就係處理緊呢個問題。"
原來Square Enix係有諗過DQ11嘅PS4、Steam、3DS同Switch版同步推出，不過製作團隊一直都無辦法確立幾時先可以整好Switch版，但佢哋又唔想fans要等好耐，所以決定其他版本先行，而事實的確Switch版仲需要一段長時間先可以面世。
之前Square Enix就證實DQ11係會出Switch版，但一直無進一步消息，雖然到今日都未有推出日期，但終於釐清咗Switch係根據PS4版本進行移植。但點解Switch版遲遲都未出呢？岡本北斗表示："喺DQ11決定開發嘅時候已經包含Switch版本，不過當時Switch嘅SDK係唔支援Unreal 4。雖然Switch嘅SDK而家係支援Unreal 4，但問題係Switch支援嘅版本比我哋開發嘅版本新，所以我哋要先更新我哋嘅Engine，但咁又會影響遊戲而家嘅架構，我哋而家就係處理緊呢個問題。"
原來Square Enix係有諗過DQ11嘅PS4、Steam、3DS同Switch版同步推出，不過製作團隊一直都無辦法確立幾時先可以整好Switch版，但佢哋又唔想fans要等好耐，所以決定其他版本先行，而事實的確Switch版仲需要一段長時間先可以面世。