【#Nj評《黃金花》】暴走洗頭艇劇情係笑話，刻薄講句只有演員值得一提

〈黃金花〉係一套本土到不能再本土的港產片，裡面出現雪糕車、屋邨、街市、社區中心等香港風情元素，唔難吸引關懷本土弱勢的支持者入場。有人話電影平實，我話一點也不是，有唔少刻意加入的高潮。本土不代表有免死金牌，有教育意義也不等如好電影，反而我把這些都視為商業計算，當今的氣氛環境最易吸引觀眾。.
演員來說凌文龍真係無敵，又一舞台劇演員成功走入電影圈例子。金像獎我只貼了新人獎項心水，多謝他為我成功贏得100%預測準繩度，哈哈。上星期已經講過了，凌文龍駕馭這名自閉弱智角色的表現奇好，拍得上Eddie Redmayne神演出霍金。難以捉摸的患者聲音動作形神俱備，尤其被性侵犯一幕完全感受到他不能啟齒的痛苦。凌文龍的表現，比呂良偉及最佳女主角毛舜筠好太多。前者始終仍然有種大俠感，正義形象突出到點睇都知佢會玩完返屋企happy ending。毛舜筠沒有比以前突破幾多，假如今年可以拿影后，以往都應該得獎，甚至TVB的演出都可以。始終，她演一個好慘的師奶仍然好睇得出是演出來的，比起鮑起靜或葉德嫻那種不發一言眼神經已交夠戲的效果仍有少少距離。
劇情方面可以話係笑話，雖然刻薄，但真心。本來都覺得幾唔錯，雖然都係一般家庭悲慘，老豆頂唔順走佬，老母好慘一個人睇住個智障兒子，如果一路順著發展可能沒什麼問題。似乎導演編劇陳大利不甘於這樣平淡的劇情，決意創造觀眾預測不到的暴走格局。竟然在原先平實帶點楚楚可憐的調子裡，加入製造不在場證據坐洗頭艇偷渡返香港刺殺丈夫情婦的跳脫想法。然後，電影裡有1／3的時間，就是影著毛舜筠及凌文龍計劃測試坐船偷渡幻想掙扎，整個感覺完全被破壞了。所以你話電影走實感，我完全唔認同，本來可以有好闊的發揮，可惜白白浪費。
.
文：Nj
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan