歐聯提要：16强首回合，曼城對摩納哥

相信各位城迷等左呢場歐聯等到頸都長，摩納哥現時正排喺法甲的榜首，亦係今季歐洲攻擊力最強的球隊之一，隊中的神射手係喺英超過得不如意的“老虎”又稱“花膠”嘅法卡奧，同曼城前鋒阿古路一樣曾經喺西甲球隊馬德里體育會踢波。當然，曼城陣中的中場老將耶耶托尼亦曾經喺摩納哥踢過一季，之後轉會巴塞隆拿，及後成就左巴塞嘅六冠王偉業。

老虎對阿古路，邊位會贏出馬體會神鋒比拼？
不過2隊過往從未碰過頭，因此今次對碰有著非常重要的數據可供記錄，例如摩納哥會如何應對哥迪奧拿的傳控陣式等等，因為摩納哥現任領隊Leonardo Jardim雖然比哥迪奧拿年輕，但卻比哥迪奧拿更早成為領隊，而今季更成功帶領摩納哥以榜首姿態走過大半季，另外據聞摩納哥已經成功射入超過100個入球，實力不容小覷。

這位葡萄牙少帥會為哥迪奧拿帶來甚麼新挑戰呢？
鑑於甘賓尼又突然受傷，哥迪奧拿表明甘賓尼明日不會出現在出場名單，而阿古路狀態自季中開始已經處於飄忽狀態，哥迪奧拿仍然要到開賽前一刻才能正式確定守門員的人選，而且曼城後備名單的人選亦充滿相當隱憂，雖然依靠現時的人力仍可與摩納哥一拼，但只要要戰術上部署出錯，相信摩納哥一定不會放過任何可以痛宰曼城的機會。

skysport做出的甘賓尼缺席賽事比率，今季係其生涯高峰

曼城歐聯正選預測
卡巴尼路、基治、奧達文迪、史東斯、薩巴列達、耶耶托尼、大衛施華、迪布尼、史達寧、阿古路、辛尼
後備預測
巴禾、高拉洛夫、沙格拿、費蘭甸奴、費蘭度、戴夫、伊拿祖