知己知彼系列：卡巴尼路 (曼城/車路士)
記得舊年呢個時間，卡巴尼路因巴禾在歐聯賽事中領紅，臨危受命成為曼城冧把溫，無人能料及後的日子，Willy先後因為巴禾狀態欠佳和傷患，輾轉成為半季嘅城門大將軍，今日嘅佢都係一號，車路士1號球員。
同樣可以用輸在起跑線形容卡巴尼路嘅職業生涯，其實不為過，雖然出身家鄉名門：小保家，亦係世青盃國腳，不過一直未有機會響頂級聯賽大展身手，響西乙嘅球會浮沉，直至遇上時任馬拉加領隊柏歷堅尼，本來只係簽呢位光頭門神出任後備，惜逢正選龍門受傷，做就佢上位，亦勇奪過一屆西甲最佳龍門，官拜馬拉加隊長。
加盟曼城原因唔多唔少都要歸功於柏歷堅尼，惜逢副選門將柏圖列文於新特蘭有機會問鼎正選，一直盛傳加盟的Willy 以3百50萬鎊成了祖赫特的拍檔及競爭者，二人關係其實相當和諧，不過初戰英超的willy卻一度未能適應英超節奏，響比賽中大出洋相，令一眾城迷睇到眼火爆，最尷尬嘅莫過於當年9月底對熱刺大敗1比4，第二日willy生日，曼城官網亦只有草草出句生日快樂算數，球迷亦報以以WillyOut贈慶。
不過皇人不負有心人，15/16球季係佢就成功俘虜唔少球迷嘅心，多次臨危受命頂替受傷嘅祖赫特，有出色表現，且亦係聯賽盃奪冠功臣，力挽狂瀾救出幾球12碼令大家都愛上willy，上季的高光演出甚至乎令一眾城迷忘記呢位光頭門神其實只係前領隊旗下嘅副選，可惜曼城並無向佢發出續約邀請，響抖暑期間，傳出過好幾間英超球會收留呢位光頭門神，而佢選擇咗車路士。
加盟車路士，佢繼續出任副選，不過就除低多年披嘅13號波衫，改著1號，響英超打滾幾年對比賽節奏，隊友都已相當了解，好快與新隊友打成一片，亦響早前嘅盃賽亮過相，雖然星期六凌晨我地無乜機會見到佢上陣，但相信大家仍會記得佢親民嘅一面。
球場以外嘅Willy，係個100分嘅好老公好老豆，不時大曬家庭照，佢亦係英超其中一位instagram達人，不時發放自己及隊友嘅獨家相片，佢對球迷亦零架子，深受歡迎。
同樣可以用輸在起跑線形容卡巴尼路嘅職業生涯，其實不為過，雖然出身家鄉名門：小保家，亦係世青盃國腳，不過一直未有機會響頂級聯賽大展身手，響西乙嘅球會浮沉，直至遇上時任馬拉加領隊柏歷堅尼，本來只係簽呢位光頭門神出任後備，惜逢正選龍門受傷，做就佢上位，亦勇奪過一屆西甲最佳龍門，官拜馬拉加隊長。
加盟曼城原因唔多唔少都要歸功於柏歷堅尼，惜逢副選門將柏圖列文於新特蘭有機會問鼎正選，一直盛傳加盟的Willy 以3百50萬鎊成了祖赫特的拍檔及競爭者，二人關係其實相當和諧，不過初戰英超的willy卻一度未能適應英超節奏，響比賽中大出洋相，令一眾城迷睇到眼火爆，最尷尬嘅莫過於當年9月底對熱刺大敗1比4，第二日willy生日，曼城官網亦只有草草出句生日快樂算數，球迷亦報以以WillyOut贈慶。
不過皇人不負有心人，15/16球季係佢就成功俘虜唔少球迷嘅心，多次臨危受命頂替受傷嘅祖赫特，有出色表現，且亦係聯賽盃奪冠功臣，力挽狂瀾救出幾球12碼令大家都愛上willy，上季的高光演出甚至乎令一眾城迷忘記呢位光頭門神其實只係前領隊旗下嘅副選，可惜曼城並無向佢發出續約邀請，響抖暑期間，傳出過好幾間英超球會收留呢位光頭門神，而佢選擇咗車路士。
加盟車路士，佢繼續出任副選，不過就除低多年披嘅13號波衫，改著1號，響英超打滾幾年對比賽節奏，隊友都已相當了解，好快與新隊友打成一片，亦響早前嘅盃賽亮過相，雖然星期六凌晨我地無乜機會見到佢上陣，但相信大家仍會記得佢親民嘅一面。
球場以外嘅Willy，係個100分嘅好老公好老豆，不時大曬家庭照，佢亦係英超其中一位instagram達人，不時發放自己及隊友嘅獨家相片，佢對球迷亦零架子，深受歡迎。