前城員的2018世界盃：卡巴尼路

曼城球員今屆都算威到盡，前後有16個球員入選世界盃決賽周大軍，不過呢除咗呢16個，亦有呢班前曼城球員出戰，阿根廷方面就有佢: 卡巴尼路。

今年已經三十有七嘅前曼城光頭門神，離開曼城後以自由身加盟車路士，佢可算係老來嬌，以老將嘅年紀充當國家隊嘅新紮師兄，今晚充當阿根廷嘅正選門神，唔知同我相識個位自稱係佢忠實fans又會唔會買佢件波衫呢？？

離開加盟車路士嘅佢，上季除低披咗多年嘅13號波衫，改著1號，為車路士上陣過13次，包括高圖爾斯受傷期間嘅幾場聯賽以及車路士嘅盃賽，佢更成為車仔嘅足總盃奪冠功臣呢！
相信大家仲好記得呢位光頭門神，前一季同樣係頂替受傷同表現差劣嘅巴禾，出任曼城正選門神一職，除咗最有價值球員，仲勇救過12碼同唔少靚救，雖然呢季曼城四大皆空，但對比以一千八百萬鎊投城嘅巴禾, 卡巴就顯得有種蔗渣價錢燒鵝味道嘅應覺，亦將佢響曼城初期嘅種種蝦碌，比賽出醜鏡頭一掃而空。

唔得唔提嘅仲有2016年3月嘅聯賽盃決賽，由於之前幾場發波瘟緣故，佢一直到未得到城迷嘅個信任，直至由佢救了12碼，間接成為奪冠功，繼而令大家相信佢都係一位級數有返咁上下嘅老將，仍會記得佢親民嘅一面；
球場以外嘅Willy，係個好稱職嘅好老公同好老豆，不時大曬家庭照，佢亦係英超其中一位instagram達人，不時發放自己及隊友嘅獨家相片，佢對球迷亦零架子，深受球迷歡迎。