「香港波」「吹下水都好」有外援好？無外援好？

今年2015年係香港籃球聯賽近十年最精彩既一年～
因為多左好多其他膚色既香港人打甲一～多左好多甲二隊、乙組隊請外援黎打比賽！
以我所知（可能唔齊，唔齊請出聲）
入座率無論係修頓、麥花臣或者其他體育館都高左好多！
仲要唔係齋係南華同永倫先爆場！東方爆！漢友爆！

甲一 南華：2個、永倫：2個、飛鷹：1個、南青：1個
甲二 東方：3個、超敏：2個、靈峰：2個、日域：2個、建龍：1個、新青聯：2個
乙組 荃灣：2個、漢友：2個

數下數下都有差唔多20個黎左打香港既聯賽～仲未計以往有打過，今年無打果D～

無可否認，外援身體質素優秀，技術普遍比本地球員好。
所以照咁講，有外援一定比較著數。球隊實力大幅上升，同隊球員都可以係外援身上吸收其他既籃球文化。
不過有外援都有問題，除左本身傳統勁旅外，大部份球隊都會依賴外援，好容易就會變成交哂個波比外援打。
而且好多外援打一季就走，球員出場時間受壓縮，但又無足夠時間比球員係外援身上學習。
有外援就有實力有觀眾有話題，但未必對本地球員有好處。
如果想本地籃球更進一步發展，搞好青訓都係不二之選。
下次再探討點樣外援同青訓雙線發展！

超級
2015-06-18