英國衛報：曼聯09年決賽後仲未學到嘅5大點
睇歐聯決賽直播，我諗一眾紅魔粉絲一定有一種感覺，就係...點解咁似睇緊09年個場波？點解可以似到咁？衛報就分析咗呢兩場波，得出5個曼聯未係09年歐聯決賽學到嘅教訓...知恥近乎勇，我地不妨睇一下佢講得啱唔啱，再諗下點改善！
(1)阻止唔到丹尼爾後上助攻
09年決賽，費sir 以朗尼任左翼，除咗令曼聯攻力失效之外，更阻止唔到巴塞右閘(當年並唔係由丹尼爾出戰)後上助攻。今年嘅決賽，曼聯以朴智星出任左翼，外界對佢跑不完嘅氣力一啲都唔陌生，仲對佢實力有好大信心，除咗可以阻止丹尼爾後上之外，仲可以爆過丹尼爾出波，為曼聯加強攻力。但事實上，情況同09年一樣，朴智星進攻上對丹尼爾產生唔到威脅，令對手根本唔需要晌防守方面花氣力，更令後者可以好放心上前傳波、走位，令巴塞進攻更流暢。丹尼爾輕鬆上前…
(2)里奧費迪南繼續任由美斯自由發揮
對住美斯呢啲咁好波嘅球員，要對佢做嘅，就係要佢連波都唔好掂，釘住前鋒嘅中堅，就算要放棄禁區外最後一道防守，都要死纏美斯，盡量唔好俾佢攞到波、或可以帶波，俾時間佢去發揮。衛報就覺得里奧做唔到呢一點，因為以佢嘅身型同體力，一定可以俾到今場以前鋒出戰嘅美斯好大壓力，但好可惜，里奧今場係等待美斯過嚟作攔截，感覺就同09年美斯入波一樣，只係以觀眾身份睇住美斯嘅表現。面對美斯，里奧表現得力不從心...
(3)無對布隆基斯作任何防守
雖然隱形戰機布隆基斯出任防守中場之位，亦係巴塞成條中場線入面最比較無威脅嘅一個，但其實佢對巴塞進攻，有起始嘅作用，事關佢晌後場搶波，之後將個波交俾沙維、恩尼斯達或美斯等人，如果對佢做壓迫、打沉巴塞第進攻第一步，令到沙維等人要回防攞波，或者可以影響到巴塞嘅節奏，之但係朗尼、傑斯以及卡域克等人，都無晌前場壓迫，只係晌20-25碼前部署防守，令佢巴塞進攻模式可以好輕鬆咁建立起嚟。 布隆基斯今場防守，輕輕鬆鬆放波俾沙維佢哋就得，一點壓力都無…
(4)落後、後上那股霸氣不見了
晌費sir嘅帶領下，曼聯一向對有一種永不放棄嘅心態，就算佢哋落後，佢哋一定會全力後上追波，就正如邊隊入佢波，就等同激嬲佢哋一樣，令佢哋要發威，之但係今年歐聯決賽，就好似09年一樣，落後下完全見唔到佢哋呢股霸氣，雖然柏度27分鐘嘅入波，朗尼34分鐘就追番成平手，但去到下半場美斯入波後，曼聯完全俾唔到人一種想後來居上嘅感覺，要等到韋拿世界波、領先3-1後，球隊先醒覺，可惜一切已經太遲。不幸呢股霸氣，下半場已經唔見咗…
(5)由09年至今，都建立唔到一條頂級中場線
雖然曼聯依家打整體戰，但好多睇波嘅球迷都知，曼聯現時嘅中場，係隊中三線入面最弱嘅一環。諗返起99年，當時曼聯有堅尼、碧咸、仲有史高斯、傑斯，稱得上係「黃金中場」，但隨住09年C朗轉投皇馬之後，費SIR最應該做就係要買世界級中場，建立番一條昔日嘅「黃金中場」線，但費SIR並無做到，令曼聯現時中場配搭：卡域克、費查、年紀漸老的傑斯和史高斯，完全與巴塞嘅布隆基斯、沙維、恩尼斯達以及柏度比下去。
卡域克同年紀已老的傑斯，俾唔到人對曼聯中場有信心...
後記：要里奧一個人mark美斯，一定好吃力，亦有可能隨時中門大開，對住美斯，認同係唔應該俾佢攞波，但感覺應該輪換mark住佢，事關美斯真係唔可以放鬆，佢只要少少時間，就可以化腐朽為神奇，所以筆者感覺中場球員應該以人釘人方法，mark實佢。至於中場一點，更加不用多說，等待今夏的轉會市場。最後，雖然曼聯與09年一樣，都可說是被撃術性撃們，但一眾曼聯迷，必定會繼續好似以前咁，咁支持愛隊!
(1)阻止唔到丹尼爾後上助攻
09年決賽，費sir 以朗尼任左翼，除咗令曼聯攻力失效之外，更阻止唔到巴塞右閘(當年並唔係由丹尼爾出戰)後上助攻。今年嘅決賽，曼聯以朴智星出任左翼，外界對佢跑不完嘅氣力一啲都唔陌生，仲對佢實力有好大信心，除咗可以阻止丹尼爾後上之外，仲可以爆過丹尼爾出波，為曼聯加強攻力。但事實上，情況同09年一樣，朴智星進攻上對丹尼爾產生唔到威脅，令對手根本唔需要晌防守方面花氣力，更令後者可以好放心上前傳波、走位，令巴塞進攻更流暢。丹尼爾輕鬆上前…
(2)里奧費迪南繼續任由美斯自由發揮
對住美斯呢啲咁好波嘅球員，要對佢做嘅，就係要佢連波都唔好掂，釘住前鋒嘅中堅，就算要放棄禁區外最後一道防守，都要死纏美斯，盡量唔好俾佢攞到波、或可以帶波，俾時間佢去發揮。衛報就覺得里奧做唔到呢一點，因為以佢嘅身型同體力，一定可以俾到今場以前鋒出戰嘅美斯好大壓力，但好可惜，里奧今場係等待美斯過嚟作攔截，感覺就同09年美斯入波一樣，只係以觀眾身份睇住美斯嘅表現。面對美斯，里奧表現得力不從心...
(3)無對布隆基斯作任何防守
雖然隱形戰機布隆基斯出任防守中場之位，亦係巴塞成條中場線入面最比較無威脅嘅一個，但其實佢對巴塞進攻，有起始嘅作用，事關佢晌後場搶波，之後將個波交俾沙維、恩尼斯達或美斯等人，如果對佢做壓迫、打沉巴塞第進攻第一步，令到沙維等人要回防攞波，或者可以影響到巴塞嘅節奏，之但係朗尼、傑斯以及卡域克等人，都無晌前場壓迫，只係晌20-25碼前部署防守，令佢巴塞進攻模式可以好輕鬆咁建立起嚟。 布隆基斯今場防守，輕輕鬆鬆放波俾沙維佢哋就得，一點壓力都無…
(4)落後、後上那股霸氣不見了
晌費sir嘅帶領下，曼聯一向對有一種永不放棄嘅心態，就算佢哋落後，佢哋一定會全力後上追波，就正如邊隊入佢波，就等同激嬲佢哋一樣，令佢哋要發威，之但係今年歐聯決賽，就好似09年一樣，落後下完全見唔到佢哋呢股霸氣，雖然柏度27分鐘嘅入波，朗尼34分鐘就追番成平手，但去到下半場美斯入波後，曼聯完全俾唔到人一種想後來居上嘅感覺，要等到韋拿世界波、領先3-1後，球隊先醒覺，可惜一切已經太遲。不幸呢股霸氣，下半場已經唔見咗…
(5)由09年至今，都建立唔到一條頂級中場線
雖然曼聯依家打整體戰，但好多睇波嘅球迷都知，曼聯現時嘅中場，係隊中三線入面最弱嘅一環。諗返起99年，當時曼聯有堅尼、碧咸、仲有史高斯、傑斯，稱得上係「黃金中場」，但隨住09年C朗轉投皇馬之後，費SIR最應該做就係要買世界級中場，建立番一條昔日嘅「黃金中場」線，但費SIR並無做到，令曼聯現時中場配搭：卡域克、費查、年紀漸老的傑斯和史高斯，完全與巴塞嘅布隆基斯、沙維、恩尼斯達以及柏度比下去。
卡域克同年紀已老的傑斯，俾唔到人對曼聯中場有信心...
後記：要里奧一個人mark美斯，一定好吃力，亦有可能隨時中門大開，對住美斯，認同係唔應該俾佢攞波，但感覺應該輪換mark住佢，事關美斯真係唔可以放鬆，佢只要少少時間，就可以化腐朽為神奇，所以筆者感覺中場球員應該以人釘人方法，mark實佢。至於中場一點，更加不用多說，等待今夏的轉會市場。最後，雖然曼聯與09年一樣，都可說是被撃術性撃們，但一眾曼聯迷，必定會繼續好似以前咁，咁支持愛隊!